Kigali: abantu bakijijwe n’amaguru kubera inzoka yabinjiranye mu kabari

Abantu bari bicaye mu kabari basoma agatama batunguwe no kubona inzoka ibinjiranye mu kabari maze bakizwa n’amaguru. Ibi byabereye mu kabari gateganye na Sitasiyo ya polisi ya Rwezamenyo , i Nyamirambo mu Karere ka Nyarugenge mu mujyi wa Kigali.

Ntabwo hamenyekanye uburyo iyi nzoka ireshya na metero imwe yaba yageze muri aka kabari kuko kari ku muhanda neza kandi nta bihuru bihegereye ku buryo ari ho yaba yanyuze ikinjiramo.

Mu baganiriye n’itangazamakuru bavuze ko bakijijwe n’amaguru bikanze ko iyi nzoka ari intererano.Byarangiye abasore b’inkorokoro bari hafi aho bishe iyi nzoka kugirango hatagira uribwa nayo.