Kidum Kibido ubwo yageraga i Kigali yijeje abakunzi be ikinu gikomeye batigeze babona ahandi

Nimbona Jean Pierre wamamaye muri muzika yo mu Burasirazuba bw’Africa nka ‘Kidum Kibido’ yaje i Kigali, yakiranwa ubwuzu.

Ku mugoroba wo kuri uyu wa Gatatu, yagarutse i Kigali avuye i Nairobi muri Kenya, aho aje gutaramira Abanyarwanda mu birori bya Lovers Edition by Kigali Jazz Junction bizabera muri KVCE (Camp Kigali) kuwa 24 Gashyantare 2023.

Uyu muhanzi wari umaze imyaka 4 adataramira mu Rwanda yavuze ko yishimiye kugaruka mu birori, anizeza ko abazitabira igitaramo cyo kuri uyu wa Gatanu bazaryoherwa n’umuziki wa ‘Live’.

Avuga uko yiyumva bijyanye n’uko agiye gutaramira i Kigali nyuma y’imyaka ine yari ishize atahakorera ibirori, yagize ati “Ni umunezero mwinshi kandi n’abari i Burundi bari kubikurikiranira hafi n’umwe mu bahagarariye Ambasade ari aha, bivuga ko atari ikintu cyoroshye.”