Kicukiro: Umusaza yahiriye munzu basanga yamaze gushenguka

Mu karere ka Kicukiro mu murenge wa Masaka mu kagari ka Gitaraga mu mudugudu wa Nyakarambi haravugwa inkuru y’umusaza witwa Rutayisire Fredrico wahiriye mu nzu ahita yitaba Imana.

Uyu musaza wabaga mu nzu ari wenyine, yaje kumvikana arimo atabaza maze abaturanyi bahageze basanga inzu yamaze gufatwa n’inkongi y’umuriro urugi rwifunze.

Batangiye kurwana no kwica urugi bigoranye basanga yamaze gushiramo umwuka, bakuramo umurambo.

Basanze matera aryamaho n’ibikoresho byo munzu byamaze gushenguka, bikaba bikekwako uyu muriro waba watewe n’ibishirira by’itabi yanywaga kuko ashobora kuba yasinziriye igishirira cy’itabi kikiri kwaka.

Abaturanyi bavuze ko uyu musaza ari mu kigero cy’imyaka 80, akaba yabaga wenyine gusa yari afite umuryango mu karere Bugesera ngo kuko batabana kubera amakimbirane. Umurambo we wahise ujyanwa mu bitaro bya Masaka.