HARAGIRIMANA Dieudonne
Abaturage n’abarezi bo ku ishuri rya GS Gataka ryo mu Murenge wa Mubuga mu Karere ka Karongi bafite ubwoba ko ibyumba by’amashuri yo kuri iki kigo bishobora kuzasenyuka bitewe n’umukingo utenguka urisatira.
Uyu mukingo wavutse nyuma y’uko abakoze umuhanda Rubavu-Rusizi uzwi nka ‘Kivu belt’ basatuye umusozi birinda gukomereza ku muhanda w’igitaka wari uhari kuko wari ufite ikorosi ritari ngombwa.
Kuva icyo gihe umukingo wasigaye ku ruhande rwubatseho iri ishuri uhora utenguka usatira ishuri ari naho haturuka impungenge ko hatagize igikorwa bishobora kuzagira ingaruka ku byumba by’amashuri bya GS Gataka.
Jigiriza Phillippe, umusaza utuye hafi y’iri shuri yabwiye IGIHE ko mbere imvura yagwaga, uyu mukingo ugatengukira muri kaburimbo imodoka ntizibone uko zitambuka.
