Italiki umuhanzi Meddy azataramira abanyarwanda i Kigali yamenyekanye

Umuhanzi Meddy umaze igihe kingana n’imyaka irindwi yose muri leta zunze ubumwe za Amerika ku buryo budasubirwaho agiye kuza gutaramira abanyarwanda mu murwa mukuru Kigali.

Meddy azaza gutaramira abanyarwanda i Kigali ku wa gatandatu taliki ya 02 Nzeri 2017 mu gitaramo gitegurwa n’ikinyobwa “Mutzig” kizwi cyane nka “Beerfest” kizabera i Nyamata muri Hotel Golden Tullip giteganyijwe kuzatangira saa munani z’amanywa kugirango hirindwe ugukererwa kwagaragaye mu myaka yashize. Aya makuru akaba aje akura benshi mu rujijo nyuma yo kumva ibihuha hirya no hino ko uyu muhanzi azaza mu Rwanda gusa igihe nyacyo azazira kitaramenyekana neza. Tubibutse ko umwaka ushize umuhanzi WizKid ariwe wataramiye abanyarwanda muri  gitaramo cya “Beerfest” cyabereye i Rugende muri “Rugende Training Center”.