Inkuru y’akababaro: Umupadiri wa Diyosezi ya Nyundo yitabye Imana

Padiri Evariste Nduwayezu wakoreraga ubutumwa muri Diyosezi Gatolika ya Nyundo, yitabye Imana ku wa Gatandatu tariki 04 Gashyantare 2023.

Ikinyamakuru Kinyamateka cya Kiliziya Gatolika cyatangaje ayo makuru, cyanditse ku rubuga rwa Twitter kiti “Padiri Evariste Nduwayezu wa Diyosezi ya Nyundo yitabye Imana kuri uyu wa 4 Gashyantare 2023 azize indwara”.

Uwo mupadiri yari amaze imyaka 41 mu bupadiri, nyuma y’uko ahawe iryo Sakaramentu mu 1982.

Padiri Nduwayezu yari mu kiruhuko yahawe na Musenyeri Anaclet Mwumvaneza, Umushumba wa Diyosezi ya Nyundo, nyuma y’uko agize uburwayi.