Ibyo ku ishuri bikomeje kugorana! Abanyeshuri biga mu mwaka wa Kane bakubise umuyobozi w’ishuri wabahaye igikoma kitagira isukari

Ibyo ku ishuri bikomeje kugorana! Abanyeshuri biga mu mwaka wa Kane bakubise umuyobozi w’ishuri wabahaye igikoma kitagira isukari.

Deregiteri w’ikigo cya Segonderi cyitwa God Bura, giherereye ahitwa Homa Bay muri Kenya. yakubiswe n’abanyeshuri bamuziza kuba yarategetse abatetsi guteka igikoma kitarimo isukari.

Uyu mu Deregiteri witwa Collians Omond, yakubiswe bikomeye n’abanyeshuri biga mu mwaka wakane w’amashuri y’isumbuye ubwo bamusanga iwe murugo ku wagatanu w’icyumweru dushoje bamuziza ko bahawe igikoma kitagira isukari.

Amakuru avuga ko abo banyeshuri bamusanze iwe mu rugo bamuhata imigeri n’inshyi ku buryo byamuviriyemo kujyanwa mu bitaro igitaraganya kubera ko yari yababaye mu gatuza.

Umuyobozi w’ishyirahamwe ry’abarimu muri Kenya witwa Paul Mbara, yanenze icyo gikorwa cyakozwe nabo banyeshuri kuko atariyo nzira bari bukoreshe bagaragaza ibibazo byabo.

Kugeza ubu Polisi yatangiye Iperereza ngo hamenyekane intandaro y’icyo kibazo cyatumye abo banyeshuri bakubita uwo uwo muyobozi w’ikigo.