Moïse Habanabashaka
Ibibera i Nyanza nta handi biba: Umusore yifashishije isuka yakoreye iby’amfura mbi se umubyara.
Umusore ukomoka mu karere ka Nyanza uzwiho kunywa itabi rifite ubukana ( urumogi) yatawe muri yombi akurikiranyweho gukubita se isuka mu mutwe, akamukomeretsa bikabije.
Byabereye mu murenge wa Ntyazo mu kagari ka Cyotamakara mu mudugudu wa Bayi, abaturage bahaye amakuru UMUSEKE dukesha iyi nkuru bavuga ko uwo musore yapfaga amakimbirane yo mu ngo na Se umubyara.
Amakuru avuga ko Nsengiyumva Jonathan w’imyaka 31 y’amavuko uzwiho kwijandika mu nzoga z’inkorano n’urumogi habuze gato ngo yirenze se umubyara witwa Mpayamaguru w’imyaka 68 y’amavuko amukubise isuka.
Uwo musore ukekwaho gukubita se yajyanwe kuri sitasiyo ya RIB iri Ntyazo,naho se umubyara yajyanwe ku bitaro bya Nyanza ngo yitabweho n’abaganga, bombi babanaga mu rugo rumwe.
