I Kigali, Biravugwa ko umugabo wari wambaye impuzankano y’abacungagereza yakubise urushyi umusore wari uvuye kurangura ibyo kunywa wamwinye inzira [videwo]

I Kigali, Biravugwa ko umugabo wari wambaye impuzankano y’abacungagereza yakubise urushyi umusore wari uvuye kurangura ibyo kunywa wamwinye inzira.

Nk’uko bigaragara ku rubuga rwa X yahoze yitwa Twitter, amashusho yerekana umugabo wambaye impuzankano y’abacungagereza ari kuva ahari umusore wari ufite amakese y’inzoga.

Uwitwa Brune Kirezi wasohoye ayo mashusho avuga ko uyu mugabo yakubise urushyi uyu musore.

Impamvu yo gukubita uyu musore ni uko yari ari mu nzira yari agiye gucishamo imodoka.

Uyu mwari watangaje ibi, yakomeje avuga ko ibi bidakwiye.

Nubwo uyu mukobwa avuga ibi, mu mashusho yasohoye nta hantu bigaragara uyu mugabo akubita uyu musore.

Ababonye ibyo ntibari kwemera ibyo uyu mukobwa yatangaje kuko ngo nta kimenyetso kibyerekana amakubita ntiyagakwiriye kuza avuga ibyo, aho babigereranyije nko gusebanya.

Kirezi we, avuga ko kuba atafashe ayo mashusho bitakuyeho ko yamukubise ko kandi na we ari kwicuza kuba atarayafashe.

Nta rwego na rumwe rwari rwagiri icyo ruvuga kuri ayo mashusho, turacyari kugerageza kuvugana n’inzego bireba. Andi makuru murayamenyeshwa mu nkuru zacu zitaha.

[videwo]

This man driving a GR car literally took a minute out of his day to come and SLAP that other guy with coca cola crates, just because the guy was “In his way”. With the traffic jam that was really bad in this road, How is this even acceptable? A whole slap for what? pic.twitter.com/php2QU7T0T

— KB🤎 (@BruneKirezi) October 9, 2023