Gukorakora abagore ndetse n’ubujura bukorerwa mu modoka byatumye hashyirwaho ibwiriza ryo gucana amatara y’imbere mu modoka

Kuri uyu wa Garandatu tariki 9 Kanama 2023, Police y’u Rwanda yatangiye ubukanhurambaga mu ntara zitandukanye z’igihugu aho abashoferi b’imodoka zose zitwara abagenzi rusange bategetswe kujya bacana amatara yo mu modoka kuva saa kumi n’ebyiri z’umugoroba, mu rwego rwo kurwanya ubujura n’ibindi byaha bishobora gukorerwa mu mudoka mu gihe hatabona.

Umuvugizi wa Polisi mu Ntara y’Amajyaruguru, SP Jean Bosco Mwiseneza, yavuze ko gucana amatara imbere mu modoka biri mu iteka rya Perezida wa Repubulika no mu mabwiriza y’Ikigo Ngenzuramikorere (RURA) yasohotse, mu rwego rwo kunoza umutekano w’abagenda mu binyabiziga, mu kubarinda ubujura n’urugomo rwajyaga rubakorerwa.

SP Mwiseneza, yasabye abashoferi kubahiriza iryo bwiriza kuko hari itegeko rihana utaryubahirije, asaba n’abagenda mu modoka guharanira uburenganzira bwabo bwo gutwarwa mu modoka mu mutekano usesuye.