Kubwayo Mc croix
Kuri uyu wa Gatatu, tariki ya 12 Gashyantare 2025, umukino wa Merseyside Derby wahuje Everton na Liverpool warangiye banganyije 2-2 kuri Goodison Park. Uyu mukino waranzwe n’amarangamutima menshi, ndetse amakipe yombi yagiye agerageza guhatanira ibitego byose mu rwego rwo gukomeza kuba mu makipe ya mbere ya Premier League.
Mu gice cya mbere, Everton yafunguye amazamu ku munota wa 11, gitsinzwe na Beto ku bufatanye na J. Branthwaite, gusa Liverpool yishyuye vuba ku munota wa 16, aho Alexis Mac Allister yatsinze igitego cyishyura. Uyu mukino wabaye urangwa n’ubushake bw’amakipe yombi ariko mu gice cya kabiri, Liverpool yabashije kubona igitego cya kabiri ku munota wa 73, gitsinzwe na Mohamed Salah, nyuma yo kwinjira mu mukino mu buryo bwiza.
Nubwo Everton yahuye n’ubwoba, ikipe yahise isubira mu mukino, maze ku munota wa nyuma, James Tarkowski atsinda igitego cyiza cyane muri minota y’inyongera (90’+8), bituma umukino ushozwa ku musozo w’intsinzi y’ikipe ya Everton yifuzaga guhesha inota. Ibi byagaragaje imbaraga z’amakipe yombi n’ubushake bwo gutsinda.
Mu magambo ye, umutoza wa Everton, David Moyes, yavuze ko inota ry’umunsi ari ingenzi cyane ku ikipe ye, ashimira imikorere y’abakinnyi be n’ubushake bwo kuguma muri Premier League. Yavuze ko hari ibibazo by’imvune ariko abakinnyi bagaragaje umwete w’ukuri. Umuzamu wa Everton, Jordan Pickford, na we yashimye igitego cyatsinzwe na Tarkowski ndetse yemeza ko umukino wabo wari mwiza n’ubwo hari impungenge zagiye zigaragara mu gihe cy’imikino.
Uyu mukino kandi waranzwe no kugwa kwa Abdoulaye Doucoure wa Everton, wakurikiwe no guhabwa ikarita itukura, kimwe na Curtis Jones wa Liverpool, na byo byagaragaye nk’ibibazo byabaye intandaro y’umwuka mubi mu kibuga. Icyakora, abakinnyi bose bashyize imbere umukino, abakinnyi ba Everton bagaragaje umwuka mwiza ndetse abafana b’iyi kipe babashimye ku buryo bugaragara.
Muri rusange, umukino waranzwe n’amarangamutima menshi kandi ukaba waragaragaje imbaraga z’ikipe ya Everton mu rugamba rwo guhangana n’ibibazo by’imvune no gushaka gukomeza kuguma muri Premier League, mu gihe Liverpool na yo yashoboye gukomeza kwerekana ubuhanga muri uru rugamba rwa Merseyside Derby.
