“Cyera kabaye, nabonye umugabo ubahiga!” Mbabazi Shadia ‘Shaddy Boo’ mu munyega w’urukundo n’umusore mushya

Mbabazi Shadia wamamaye nka Shaddy Boo yeruye atangaza ko afite umukunzi mushya nyuma y’amezi make atandukanye na Manzi Jeannot bakundanye igihe cy’umwaka kuko urukundo rwabo rwatangiye kuvugwa mu 2022.

Mu butumwa yanyujije ku rukuta rwe rwa Instagram, Shaddy Boo yagize ati “Cyera kabaye, nabonye umugabo ubahiga!”

Kugeza ubu Shaddy Boo kugeza ari kubarizwa ku Mugabane w’u Burayi aho amakuru ahamya ko yari amaze iminsi ari kumwe n’uyu musore wamutwaye umutima.

Mbabazi Shadia asanzwe ari umubyeyi w’abana babiri yabyaranye na Meddy Saleh banabanye nk’umugore n’umugabo mbere y’uko batandukana mu 2016.