M.Ben
Bahora bisekera! Abicanyi ruharwa (Serial killer) bameze nka Kazungu Denis banezezwa no kwica nk’uko abantu banezezwa no kurya ifi n’inkoko biherekejwe n’agafiriti.
Abenshi ntibari bazi abicanyi ruharwa gusa bagize ubwoba ubwo bumvaga uwitwa Kazungu Denis wicaga abagore n’abakobwa nyuma yo kubasambanya.
Abamubonye ku rukiko bagiye bamubona aseka bikababaza cyane kuko babonaga ntakintu yishinja.
Ubusanzwe kugira ngo umuntu yitwe umwicanyi ruharwa nuko aba amaze kwica abantu barenze babiri kandi akaba afite uburyo bwihariye abicamo ndetse ugasanga abo bantu haricyo bahuriyeho kitari icyo mu isano y’amaraso ahubwo ari nk’imiterere runaka, uwo muntu kandi kenshi usanga afata igihe runaka kugira ngo yice undi muntu ntabwo abicira umunsi umwe. Mwene uwo muntu niwe witwa “umwicanyi ruharwa” benshi bamenyereye nka “serial killer” mu ndimi z’amahanga.
Uwageze kuri icyo kigero aba yumva kwica bimeze nko kurya ka Ice-cream ku bagakunda cyangwa gutera akabariro ku bashakanye.
Ese ubusanzwe biterwa niki ngo umuntu ahindutse umwicanyi ruharwa kugeza naho yica umuntu atazi ndetse batanafite icyo bapfa. Byose urabimenya muriyi nkuru.
Ubusanzwe kugirango umuntu ahiduke umwicanyi ruharwa bituruka ku miterere y’ubuzima aba yarayemo mu hahise he, ibi twafata nk’ihungabana aba yarakuye muri ubwo buzima bituma afata umwanzuro wo kwica abantu nk’uburyo bwo kunezeza amarangamutima ye ndetse akiyibagiza ibimuri mu mutwe.
Iri hungabana rishobora guterwa n’ihohotera yakorewe akiri muto yaba iry’umubiri cyangwa ibitekerezo, amakimbirane mu muryango yakuriyemo, gukura nta babyeyi ndetse n’ibindi binyuranye.
Ku isi habayeho abicanyi ruharwa bagiye batandukanye akenshi bose bahuriraga ku cyita rusange cyo kwica abagore n’abakobwa.
