Amerika: Undi muhanzi w’umuraperi yishwe arashwe n’imbunda

Muri Amerika haravugwa inkuru y’imuraperi w’Umunyamerika Mariel Semonté Orr wamamaye nka Trouble yishwe arashwe muri Leta ya Georgia.

Uyu muraperi yarashwe ubwo yari iwe mu rugo mu mujyi wa Atlanta aho yari asanzwe atuye mu buzima busanzwe.

Uwitwa Jamichael Jones w’imyaka 33,niwe bikekwa ko ari we wamwishe ndetse yahise ashyirirwaho impapuro zo kumuta muri yombi.

Ubwicanyi bw’imbunda bukomeje gufata indi ntera muri leta zunze ubumwe z’Amerika, dore ko mu mpera z’icyumweru dusoje hishwe abagera ku icyenda(9) barashwe.