HARAGIRIMANA Dieudonne
Abanyarwanda babivuze neza bati “Aho iminsi y’urukundo iciye ntihaca urwango”, Chris Brown yateye ingabo mu bitugu Rihanna bahoze bakundana.
Umuhanzi Christopher Maurice Brown uzwi nka Chris Brown wakundanye igihe kitari gito n’umuhanzikazi Rihanna ariko bakaza gutandukana, mu ijoro ryakeye ubwo uyu mugore wa A$AP Rocky Rihanna yari agiye gutaramira abitabiriye ibirori by’umukino wa Super Bowl LVII mu gihe cyo kuruhuka wahuzaga Philadelphia Eagles na The Kansas City Chiefs, Chris Brown yabaye uwa mbere mu kwerekana ko amushingikiye.
Mu butumwa Chris Brown yashyize ku mbuga nkoranyambaga bwagiraga buti “Genda mukobwa”.
Ni ubutumwa bwaherekejwe n’akamenyetso k’umutima ndetse n’ako gusenga.
Rihanna mu minota 13 yataramye, yaririmbye zimwe ndirimbo ze zabiciye zirimo “Diamonds” n’izindi.
