Abakobwa babyariye iwabo bafashe ingambo nshya

Abangavu 100 batewe inda z’imburagihe bo mu Karere ka Ngoma baravuga ko nyuma yo gutereranwa; bafite icyizere cy’ubuzima bwiza nyuma yo kwegerwa no kugirwa inama binyuze mu mpuzamiryango Pro-Femmes Twese Hamwe.

Ibi babitangaje kuri uyu wa Gatanu, tariki ya 10 Werurwe 2023 mu cyumweru cyahariwe kwimakaza ihame ry’uburinganire n’ubwuzuzanye mu Ntara y’Iburasirazuba. Iki cyumweru gifite insanganyamatsiko igira iti “Ihame ry’uburinganire, inkingi y’imiyoborere myiza n’iterambere ridaheza kandi rirambye.”

Abaganiriye n’itangazamakuru bavuze ko bafite ingambo nshya kandi ko ikizere cy’ubuzima w’ejo hazaza cyamaze kwiyongera.