Abakinnyi 2 bakubiswe n’inkuba abandi benshi barakomereka

Ku munsi w’ejo hashize mu gihugu cya Kenya inkuba yakubise abakinnyi 2 abandi barakomereka.

Ibi byabereye mu burengerazuba bwa Kenya mu gace kitwa Kisei, Aho abakinnyi bakinaga umukino wa gishuti hagati y’ikipe yitwa Manyasi FC na Nyagiti FC inkuba yaje gukubitwa abakinnyi 2 ari bo Sami Moussa w’imyaka 20 na Joshua Nyangales w’imyaka 21 bahita bitaba imana abandi 2 barakomereka mu buryo bukomeye.

Umuyobozi ushinzwe umupira mu majyaruguru ya Gitutu witwa Ivans Akanga yavuze ko ibyavuzwe ari impamo ahita yihanganisha n’imuryango yagize ibyago. Yaje kuvuga ko aba bakinnyi bakinaga mu mvura kandi ngo ko bibabaje kuba bapfuye ubwo bakinaga umukino bakunda cyane.

Uyu muyobozi wa Federasiyo yaje gusaba leta ko yashyira imirinda nkuba ku mashuri yose ahakunda gukinirwa ngo kuko ubusanzwe ntabwo amategeko ya FIFA abuza abantu gukina mu mvura.