Kubwayo Mc croix
Ku wa Gatandatu, tariki ya 23 Ugushyingo 2024, Stade Amahoro izakira Shampiyona y’Igihugu y’Imikino Ngororamubiri izitabirwa n’abakinnyi bagera ku 1117 baturutse mu gihugu hose. Guhera saa Mbiri za mu gitondo, abakinnyi bazarushanwa mu byiciro bitandukanye by’imikino ngororamubiri, harimo gusiganwa ku maguru ku ntera za metero 100, 200, 400, 800, 1500, 3000, 5000, na 10 000, ndetse n’amasiganwa y’amakipe nka 4×100 na 4×400.
Iyi shampiyona izaba inakubiyemo imikino yo gusimbuka intera ndende, gusimbuka gatatu (triple saut), gutera intosho, ingasire n’umuhunda. Ni amahirwe ku bakinnyi kwigaragaza no kuzamura impano zabo, bikaba no mu rwego rwo gutegura amarushanwa mpuzamahanga.
