Abahanzi bakorera muri Kina Music bashimwe ku bw’igikorwa bakoze (+video)

Abahanzi bakorera umuziki wabo mu nzu ya Kina Music ario Platini & TMC bagize itsinda rya Dream Boyz, Tom Close na Knowless mu minsi ishize bakoze igikorwa gikomeye bakomeje gushimwa na bamwe mu babakurikirana buri munsi.

Nkuko byagatragaye ku rukuta rw’umwe mu bahanzi bakorera muri Kina Music ariwe Platini Nemeye, abahanzi bakorera muri iyi nzu bagaragaye bishimanye mu birori byo kwishimira ibyo bamaze kugeraho ndetse no gusabana bya kivandimwe. Iki gikorwa bano bahanzi bakorera umuziki wabo mu nzu ya Kina Music bakoze byakomeje kugenda bishimwa n’abantu batari bake ndetse abenshi bakomeza kuvuga ko byakagombye kubera urugero rwiza abandi bahanzi nyarwanda mu rwego rwo gushyira hamwe mu guteza umuziki nyarwanda imbere.