Connect with us

izindi nkuru

Zimwe mu nzu z’ibyamamare bikomeye hano mu Rwanda (AMAFOTO)

Published

on

Advertisements

Bimaze kuba nk’akamenyero ko Abanyarwanda bamaze kugira ubushobozi bw’amafaranga, mu bitekerezo byabo hahita hazamo no kubaka inzu zo guturamo.

Abahanzi iyo baririmba turanezerwa cyane, abakinnyi batsinda ibitego tugafatikanya kubyishimira (celebration), nyamara ntitumenye aho ibi byamamare dukunda bitaha.

Muri iyi nkuru, turakugezaho amafoto y’inyubako za bamwe mu bakinnyi mu mikino itandukanye, baba abakina hano mu Rwanda n’abakina hanze yarwo, ndetse n’amafoto y’inzu za bamwe mu bahanzi (abaririmbyi) b’Abanyarwanda.

Inyinshi muri izo nyubako ntizubatse mu mujyi wa Kigali, bivuze koi bi byamamare bidakunda gutura rwagati mu mujyi, ahubwo byahisemo kwiturira mu nkengero cyangwa mu yindi mijyi yunganira uwa Kigali.

Abakinnyi

1. Umunyezamu Ndayishimiye Jean Luc (Bakame)

Iyi ni yo nzu Bakame n
Iyi ni yo nzu Bakame n’umuryango we babamo

Uyu mugabo ukinira ikipe ya AS Kigali nk’umunyezamu, ari mu bakinnyi bafite inzu z’akataraboneka.

Kwa Bakame
Kwa Bakame

Bakame kandi ni n’umukinnyi w’ikipe y’igihugu Amavubi, akaba yaranakiniye andi makipe ya hano mu Rwanda nka Rayon Sports, APR FC, n’andi.

2. Haruna Niyonzima

Inyubako ya Haruna Niyonzima
Inyubako ya Haruna Niyonzima

Haruna Niyonzima, ubusanzwe ni muramu wa Bakame, kuko Bakame yashakanye na mushiki wa Haruna.

Aba bombi batuye mu gace kamwe, ndetse inzu zabo ziregeranye. Haruna ubu akinira ikipe ya AS Kigali nk’umukinnyi ukina hagati. Ni umukinnyi kandi w’ikipe y’igihugu Amavubi, ndetse akanayibera kapiteni (captain).

Kwa Haruna Niyonzima
Kwa Haruna Niyonzima

Ni umwe mu bakinnyi bafatiye runini ikipe y’igihugu Amavubi. Na we yamaze kuzuza inzu ye nziza hafi y’iya muramu we Bakame.

3. Hakizimana Muhadjiri

Inyubako ya Muhadjiri Hakizimana
Inyubako ya Muhadjiri Hakizimana

Hakizimana Muhadjiri, ubusanzwe we avukana na Haruna Niyonzima. Birumvikana ubwo na we ni muramu wa Bakame.

Muhadjiri ubu umukinnyi mpuzamahanga, ukinira ikipe ya Emirates Football Club yo muri Leta zunze ubumwe z’Abarabu.

Kwa Muhadjiri
Kwa Muhadjiri

Uyu rutahizamu w’ikipe y’igihugu Amavubi, na we afite inyubako y’akataraboneka hafi y’aho mukuru we Haruna Niyonzima na muramu we Bakame bubatse.

4. Bizimana Djihad

Inzu ya Djihad Bizimana
Inzu ya Djihad Bizimana

Bizimana Djihad, ni umukinnyi mpuzamahanga ukina mu bataha izamu mu ikipe ya Waasland-Beveren yo mu gihugu cy’u Bubiligi, yagiyemo avuye muri APR FC.

Ubusanzwe ni mwishywa wa Haruna Niyonzima na Hakizimana Muhadjiri, kuko aba ba bamubereye ba nyirarume kuko bavukana na nyina umubyara.

Uyu musore ukinira n’ikipe y’igihugu Amavubi, na we afite inzu y’agatangaza hafi y’aho babyara be (Haruna na Muhadjiri) ndetse na muramu we Bakame bubatse.

5. Jacques Tuyisenge

Inzu ya Jacques Tuyisenge
Inzu ya Jacques Tuyisenge

Uyu rutahizamu w’ikipe ya Petro Atletico de Luanda muri Angola, na we ni umwe mu bakinnyi b’umupira w’amaguru bamaze kuzuza inzu z’akataraboneka hano mu Rwanda.

Tuyisenge ni n’umukinnyi w’ikipe y’igihugu Amavubi.

6. Areruya Joseph

Inyubako ya Areruya Joseph
Inyubako ya Areruya Joseph

Areruya Joseph ni umukinnyi w’umukino w’amagare wabigize umwuga. Yegukanye Tour du Rwanda yo muri 2017.

Uretse gutwara Tour du Rwanda 2017, yatwaye Tour de l’Espoir 2018, na La Tropicale Amissa Bongo 2018, bimuhesha amahirwe yo kwerekeza mu ikipe ya Delko Marseille Province yo mu Bufaransa.

Uyu musore na we ni umwe mu bakinnyi bafite inyubako nziza hano mu Rwanda.

Abahanzi (Abaririmbyi)

1. Ama G The Black

Kwa Ama G The Black
Kwa Ama G The Black

Ama G The Black, ni umwe mu bahanzi bo mu Rwanda bamaze kwiyubakira inzu zigezweho.

Uyu mugabo aririmba injyana ya Hip Hop, akaba umwe mu bahanzi bakunzwe hano mu Rwanda.

2. Butera Knowless na Ishimwe Clement

Kwa Ishimwe Clement na Butera Knowless
Kwa Ishimwe Clement na Butera Knowless

Uyu muryango w’abahanzi (umuririmbyi n’utunganya imiziki- producer), na wo utaha mu nyubako nziza cyane.

3. Platini (Dream Boys)

Inyubako ya Platini wo muri Dream Boys
Inyubako ya Platini wo muri Dream Boys

Nemeye Platini ubarizwa mu itsinda rya Dream Boys, na we ni umwe mu bafite inzu nziza. N’ubwo itaruzura neza, ariko bigaragarira amaso ko izaba ari inzu y’igitangaza.

4. TMC (Dream Boys)

Inyubako ya TMC
Inyubako ya TMC

Mujyanama Claude uzwi nka TMC, na we abarizwa mu itsinda rya Dream Boys, akaba na we ari umwe mu bahanzi bafite inzu nziza.

Inzu ye yegeranye neza n’iya mugenzi we babana mu itsinda rya Dream Boys

5. Tom Close

Kwa Tom Close
Kwa Tom Close

Dr. Muyombo Thomas uzwi ku izina rya Tom Close muri muzika, na we ni umwe mu bahanzi bafite inzu nziza.

SOURCE: KIGALITODAY

Advertisements
Komeza usome
Advertisement
Click to comment

Comment

izindi nkuru

Ibintu 10 bitangaje cyane kandi biteye amatsiko wamenya ku dukingirizo.

Published

on

Advertisements

Agakingirizo waba ugakunda cyangwa ukanga, waragakoresheje cyangwa utaragakoresha, si ubwa mbere waba ukumvise. Agakingirizo kari mu bintu bikoreshwa cyane ku isi kuko nko mu mwaka wa 2015 ubushakashatsi bwerekana ko hakoreshejwe udukingirizo miliyari 18.6 tw’abagabo.

Tugendanwa mu ikofi, mu bikapu, mbese ntaho utagasanga, dore ko habaho n’udutangirwa ubuntu. Nyamara burya hari byinshi bitangaje utazi ku gakingirizo. Ushobora kwibwira ko ukazi bihagije nyamara nusoma iyi nkuru uraza gutungurwa nkuko tugiye kubibona.

Ibintu 10 bitangaje kandi bitangaje  ku gakingirizo.

10. Udukingirizo ni utwa kera cyane

Abacukumbuzi b’ibintu bya kera bavumbuye mu buvumo bwo mu gihugu cy’Ubufaransa ishusho y’agakingirizo (igishushanyo cyako), bavuga ko iyo shusho ifite imyaka hagati ya 12000 na 15000. Gusa agakingirizo gashaje kavumbuwe muri Suède kakaba karakozwe ahagana mu 1640. Kari gakozwe mu mara y’ingurube kandi karameswaga kakongera kagakoreshwa. Kagombaga gutekwa mu mata y’inshyushyu kakongera gukoreshwa.

9. Kera kukabona byari ingorabahizi

Guhera mu 1928 niho muri Amerika hatangiye gucuruzwa udukingirizo mu byuma byabugenewe, aho wasesekaga igiceri ahabigenewe nako kagasohoka.

Mbere yaho wakabonaga ari uko muganga akakwandikiye. Icyakora iyo wemeraga ko uri indaya waraduhabwaga batakugoye.

8. Twari twakorewe kurwanya mburugu

Mu kinyejana cya 16, mu Butaliyani, umugabo witwa Gabriele Fallopio (ari we witirirwa trompe de Fallope), yakoze ubushakashatsi kuri mburugu.

Ubwo bushakashatsi yakoreye ku bagabo 1100, yabambikaga agakingirizo kabanje kwinikwa mu muti, kandi bose nta numwe wigeze yandura mburugu mu gihe cy’imibonano. Aho niho rero bahereye bakora twinshi, mu rwego rwo kurinda mburugu.

7. Agakingirizo ibyo gakozemo bigenda bihinduka

Ntabwo udukingirizo twa kera twari dukoze nk’utwo tubona ubu. Kandi buri gihugu cyagiraga uko gikora utwacyo. Hakoreshwaga amara y’inyamaswa, uruhago, uruhu, n’ibindi binyuranye. Nko mu buyapani ho bakoreshaga ururenda ruva mu gikono cy’akanyamasyo.

Agakingirizo ka mbere gakoze nk’utwo tubona ubu kakozwe bwa mbere mu 1920. Kakaba karatangiye gucuruzwa mu 1932 n’uruganda Durex, icyo gihe rwitwaga London Rubber Company.

6. Twakoreshwaga inshuro irenze imwe

Nk’uko twabibonye muri za 1600 niho agakingirizo katangiye gukoreshwa. Icyo gihe hakoreshwaga udukoze mu mara y’inyamaswa. Kubera uburyo twahendaga rero wasangaga dukoreshwa inshuro nyinshi. Kugera mu 1900 igiciro cyako kamwe cyanganaga n’igihembo cy’ukwezi kose.
Biragoye kubyiyumvisha nyamara byageze mu 1950 udukingirizo dufurwa tugikoreshwa.

5. Mu kuboneza urubyaro twasimbuye byinshi.

Mu bihugu binyuranye uburyo bwo kuboneza urubyaro harimo ubwo wakumva ugaseka. Nko mu burayi bigishaga abagore ko udashaka gusama wambara amabya yavuye ku kayongwe. Abandi nabo bababwiraga kuzenguruka inshuro 3 ahantu isega y’ingore ihaka yanyaye nuko ngo ntibasame.

Mu Bushinwa niho habaga ibintu bibi aho abagore basabwaga kunywa plomb cyangwa mercure. Iyo batapfaga baburaga urubyaro burundu.Aho agakingirizo kaziye, ibi byose byarakemutse.

4. Kamamazwa n’ibyamamare.

Mu 2012 itsinda rya One Direction ryemeye gushyirwa ku byapa n’ibifuniko byamamaza udukingirizo. Gusa ntibashakaga ko twakitwa One direction nk’uko uruganda rwabishakaga. Si bo gusa kuko na Justin Bieber ubu niwe uri kwamamaza ubwoko bumwe bwako.No mu gihugu cyacu kandi ku dukingirizo twa Plaisir habonekaho ifoto y’umuntu n’ubwo mu maso atagaragara.

3. Hari ibindi gakoreshwa .

Burya agakingirizo gashobora kujyamo amazi yuzuye ijerekani yose (litiro 20).Gusa ntuzakavomeremo kuko arya mavuta abamo yakanduza amazi. Hari amakuru yandi avuga ko mu gihe cy’imvura abasirikare bakoresha udukingirizo bapfuka iminwa y’imbunda. Hari aho usanga bafatisha imbabura, bahambira ibintu, n’ibindi binyuranye.

2. Hashyizwemo udushya tunyuranye.

Ubu udukingirizo tuboneka mu mabara anyuranye, habaho udukomeye n’utworohereye, uduhumura nka pome, udufiteho uduheri inyuma, hakozwe agakingirizo k’abagore ndetse ubu hari no gukorwa akagenewe abakora imibonano mu kibuno kari gutunganywa n’uruganda Origami Condoms.

1. Ahazaza h’agakingirizo

Kuva ku mara y’inyamaswa kugera kuri kawucu, agakingirizo kagiye gakorwa mu bintu binyuranye, no mu buryo bunyuranye. Ubu Abashakashatsi bari kugerageza gukora agakingirizo katagaragara, aho uzajya usiga ibimeze nk’amavuta ku bugabo noneho cyakinjira mu gitsinagore ya mavuta yahura n’ubushyuhe bubamo agahita afata agahindukamo agakingirizo.

Advertisements
Komeza usome

izindi nkuru

Menya amafunguro 5 yongera ubwenge ku mwana muto

Published

on

Advertisements

Ibiryo byongera ubwenge ku mwana cyane cyane ukiri muto, ni ingenzi mu gutuma arushaho gukura atari mu gihagararo gusa ahubwo no mu bwenge, bityo ubushobozi bwe bw’imitekerereze no gufata mu mutwe bukarushaho kwiyongera. Ni byiza guha abana ibiryo bitera imbaraga umubiri, ariko n’ubwonko bukeneye kugaburirwa neza kugira ngo burusheho gukora no gukura neza.

Ku babyeyi bibaza indyo ikwiye kugaburirwa umwana ukiri muto kugira ngo ubwonko bwe burusheho gukura no gukora neza, dore amwe mu mafunguro y’ibanze waha umwana muto.

1. Yogourt

Yogourt (yawurute) nziza waha umwana muto ni ikungahaye ku binure byinshi, (zizwi nka greek yogourt, zikaba zirusha izisanzwe ibinure). Ibinure ni ingenzi mu mikorere myiza y’ubwonko, niyo mpamvu iyi yawurute ugomba kuyongera ku mafunguro uha umwana muto. Ushobora kandi no kongeramo ibinyampeke kimwe n’inkeri kugira ngo byongere fibres na polyphenols zituma ubwenge burushaho kwiyongera. Polyphenols kandi ushobora no kuzisanga muri shokola z’umukara.

Ibiryo byongera ubwenge ku mwana
Yogourt cyane cyane izongewemo ibinure nizo z’ingenzi cyane ku mikurire myiza y’ubwonko

2. Amagi

Amagi akungahaye cyane ku ntungamubiri zitwa choline, zikaba ingenzi cyane mu gukuza no kongera uturemangingo tw’ubwonko dufasha mu gufata mu mutwe no kwibuka. Uko ugaburira umwana muto amagi niko utu turemangingo twiyongera, uko twiyongera niko n’ubushobozi bwo kwibuka no gufata mu mutwe bwiyongera, aribyo twita kugira ubwenge bwinshi. Ushobora guha umwana muto amagi ku ifunguro rya mu gitondo kugira ngo barusheho kwirirwa bamerewe neza

Amagi ku ifunguro rya mu gitondo n'ingenzi mu mikurire y'ubwonko
Amagi ku ifunguro rya mu gitondo n’ingenzi mu mikurire y’ubwonko

3. Imboga n’imbuto z’icyatsi

Ntugomba na rimwe kwibagirwa akamaro k’imboga rwatsi ku mikurire myiza y’ubwonko bw’umwana, zimwe muri zo twavuga epinard, celeri, kale, chou fleur, n’izindi. Ushobora kuzimuha ziseye (nko muri potage), cg ari mboga zikasemo uduce duto cyane ku buryo zitamubangamira mu kuzirya. Epinari na kale ni imboga z’ingenzi cyane ku mikorere y’ubwonko kuko zirinda hakiri kare indwara zo kwibagirwa zishobora kuza mu izabukuru, zirimo kandi intungamubiri z’ibanze zifasha urwungano rw’imyakura n’uturemangingo gukura.

Imboga rwatsi ubonye umwana atazikunda ushobora kuzongera mubyo akunda kurya yaba ari umureti cg andi masosi.

ibiryo byongera ubwenge ku mwana
Imboga z’icyatsi ntugomba kuzibagirwa mu byongerera ubwenge umwana

4. Amata atarimo ibinure

Amata atarimo ibinure (fat-free milk), agira akamaro abana bato kuko aba akungahaye kuri vitamin D, poroteyine ndetse n’umunyungugu wa fosifore(phosphorus) na kalisiyumu.

Calcium ni ingenzi cyane kuko ifasha mu mikorere y’umusemburo wa insuline, iyi niyo mpamvu amata agomba kongerwa ku ifunguro ry’umwana. Hari abana bamwe na bamwe bagira ikibazo ku mata (iyi ndwara iterwa nuko umubiri uba udashobora kwihanganira isukari yo mu mata; lactose intolerance). Ushobora kugana kwa muganga bakaba bareba icyo bamufasha cg se ukazajya umugurira amata atarimo lactose. Kimwe n’uko ushobora kumugurira inyongera za vitamin D na calcium muri farumasi zigasimbura ya mata adashobora kunywa.

Amata azira ibinure abaoneka mu maguriro atandukanye, akize kuri vitamini D kurusha asanzwe
Amata azira ibinure abaoneka mu maguriro atandukanye, akize kuri vitamini D kurusha asanzwe

5. Amafunguro akize kuri Omega-3 fatty acids

Ibiryo birimo intungamubiri za omega-3 essential fatty acids ntibigomba kubura mu mafunguro uha umwana wawe. Niba ushaka ko ubwenge bwe burushaho kwiyongera. Izi ntungamubiri kimwe n’izindi poroteyine ziboneka mu mafi zifasha ubwonko kudatakaza ubushobozi bwo kwibuka no gufata mu mutwe. Ubwoko bw’amafi ibonekamo cyane twavuga; salmon, tuna ndetse na sardines ntizigomba kubura mu mafunguro y’umwana

indyo yongera ubwenge ku mwana muto
Amwe mu mafunguro akize kuri omega-3 fatty acids dusangamo na avoka

Aya ni amwe mu mafunguro afasha ubwonko gukomeza gukora no gukura neza ku mwana muto. Ibi biryo byose bifasha abana mu gihe bakuze guhorana ubwenge no kwiyongera k’ubushobozi mu mitekerereze.

Hari andi mafunguro y’ingenzi tutavuze aha nk’utubuto duto (nuts) harimo sesame, soya n’utundi. Nayo afasha mu kongera ubwenge bw’umwana no kumufasha kugira ubushobozi bwo gutekereza cyane amaze gukura.

SOURCE: UMUTIHEALTH

Advertisements
Komeza usome

izindi nkuru

Ibyo kurya 7 byagufasha kongera amaraso

Published

on

Advertisements

Mu buzima bwa muntu bwa buri munsi akenera amaraso kugira ngo abashe kubaho, kuko amaraso niyo afasha mu gutwara umwuka mwiza wa oxygen mu bice bitandukanye by’umubiri no gutuma ingingo z’umubiri zikora neza.

Bitewe n’ubuzima bw’iki gihe aho usanga benshi bahorana stress, guhangayika no kumara igihe kinini bicaye, byose bigira uruhare runini mu mikorere mibi y’umubiri. Ikibazo benshi bakunda kugira ni igabanuka rya hemoglobin. Hemoglobin ni proteyine zikungahaye ku butare (iron/fer) ziboneka mu nsoro zitukura z’amaraso.

Iyo urugero rwa hemoglobin rwagabanutse, bishobora gutera guhora unaniwe, gucika intege, kuribwa umutwe ndetse no guhumeka gahoro. Iyo rugabanutse ku buryo bukomeye niho bitera indwara yo kubura amaraso izwi nka anemia.

Kugira ngo hemoglobin zawe zihore ku rugero rukwiye, hari amafunguro ashobora kugufasha kuyongera.

Ibyo kurya byongera urugero rwa hemoglobin

1. Kwibanda cyane ku bikungahaye ku butare

Urugero ruri hasi rw’ubutare ni kimwe mu bitera kugira urugero rwa hemoglobin ruri hasi. Ibipimo ngenderwaho (recommended dietary allowances (RDA)) bivuga ko:

Igitsina gabo (imyaka 19-50) bakenera ubutare bungana na miligarama 8 naho igitsina gore (19-50) bagakenera 18mg.

Niyo mpamvu ari ingenzi cyane kurya buri munsi amafunguro akungahaye ku butare nk’ibishyimbo, imboga rwatsi, umwijima, tofu, amashaza, inyama, amafi, amagi na epinari n’ ibindi.

2. Ibikungahaye cyane kuri vitamin C

Vitamin C ni ingenzi cyane mu kwinjiza ubutare mu mubiri. Umubiri ntufite ubushobozi buhagije bwo kwinjiza ubwawo ubutare ariyo mpamvu bukenera ikiwufasha, niho vitamin C yitabazwa.

Amacunga, indimu, inyanya, inkeri n’ izindi mbuto bimeze kimwe (berries), urusenda, poivron ni bimwe mu bikungahaye ku rugero ruhagije rwa vitamin C

3. Ibikize kuri folic acid

Folic acid (cg se vitamin B9) ni vitamin yitabazwa mu ikorwa ry’ insoro zitukura z’amaraso mu mubiri. Iyo umubiri ufite urugero ruri hasi rwa folic acid bitera kugira urugero ruri hasi rwa hemoglobin.

Amafunguro ibonekamo cyane ni ibishyimbo byumye, ubunyobwa, broccoli, imineke, inyama y’ umwijima, imboga rwatsi n’ibindi.

4. Beterave

Beterave ni bimwe mu bifasha kongera cyane urugero rwa hemoglobin mu mubiri. Zikungahaye cyane ku butare, folic acid, potasiyumu na fibre.

Beterave zoroshye kuzikoramo umutobe, wagufasha gutuma amaraso yawe ahora ku rugero rukwiye.

5. Watermelon

Watermelon ni imbuto nziza cyane zifasha kongera urugero rwa hemoglobin, ahanini bitewe nuko zikize cyane ku butare na vitamin C bituma kwinjiza ubutare mu mubiri bikorwa neza kandi mu buryo bwihuse.

6. Imboga

Imbwija, imboga rwatsi, epinari, celeri n’ izindi zifasha kongera urugero rwa hemoglobin. Zikungahaye cyane ku butare na folic acid bifasha mu ikorwa ry’insoro zitukura z’amaraso.

7. Inzuzi z’ibihaza

Zibonekamo urugero rukenerwa ku munsi rw’ ubutare (miligarama 8) ndetse na kalisiyumu, manganese na manyesiyumu bihagije.

Inzuzi z’ibihaza

Ushobora kuzishyira kuri salad cg se ukazivanga n’umutobe wawe (ukoresheje blender) cg ukazirya ukundi ubishaka.

Dusoza

Ibyo kurya birimo polyphenols na tannins nk’icyayi, ikawa, ibyo kurya nka soya na cocoa bibuza umubiri kwinjiza ubutare. Ni ngombwa kubifata ku rugero ruri hasi mu gihe hemoglobin yawe iri ku rugero rwo hasi.

SOURCE: UMUTIHEALTH

Advertisements
Komeza usome

izindi nkuru

Isombe ni ifunguro ikaba n’umuti ku ndwara zinyuranye | Sobanukirwa byinshi ku isombe n’akamaro ifitiye ubuzima bwacu

Published

on

Advertisements

Isombe, usanga umurwayi ukirutse tuyimwondoza, umubyeyi wibarutse tukayimuha ngo ifasha kuyobora amashereka vuba, ndetse tunayigira ifunguro ry’ingenzi mu mafunguro.

Ese koko isombe ni ifunguro ry’ingenzi cyane?

Nibyo koko ni rimwe mu mafunguro afitiye umubiri wacu akamaro kandi akawurinda ndetse akawuvura zimwe mu ndwara.

Ni mu gihe kuko ibonekamo intungamubiri zinyuranye nka vitamin A, B zinyuranye, C n’imyunyungugu ndetse na za poroteyine.

Akamaro k’isombe ku buzima

1. Gutuma umubiri ukora neza

Habonekamo vitamin B zinyuranye nka B9, B5, B1, B2 n’izindi, zose zikaba zizwiho gufasha mu mikorere y’umubiri aho zituma hakorwa imisemburo ituma umubiri ukora neza.

2. Isoko y’ingufu

Za poroteyine zinyuranye ziri mu isombe hamwe na za amino acids bifatanyiriza hamwe mu kongerera ingufu umubiri. Zibikora zihindura ibinyasukari birimo bigahinduka ingufu umubiri ukeneye.

3. Kuvura impiswi

Mu kuvura impiswi ntabwo hakoreshwa isombe ritetse ku buryo busanzwe ahubwo ritegurwa nk’umuti.

Icyo usabwa ni ugucanira nka litiro y’amazi. Noneho usekure ibibabi 10 by’isombe nibinoga neza ubishyire muri ya mazi yamaze kubira uhite ubibika ijoro ryose (wabikuye ku muriro ariko).

Mu gitondo umimine noneho unyweho akarahure ibisigaye ubibike. Bibikwa iminsi itarenze 3 ukajya unywa akarahure mu gitondo na nimugoroba.

4. Kurwanya umuriro

Mu kuvura umuriro noneho ho ucanira garama 400 z’ibibabi muri litiro imwe y’amazi. Ubicanira udapfundikiye, ugacanira kugeza ubonye amazi asigaye ageze mu cya kabiri cy’ayo washyizemo.

Nyuma uramimina, ubundi byamara guhora ukanywa akarahure gato inshuro 2 cyangwa 3 umuriro uba wagiye.

5. Kurwanya indwara zifata mu ngingo

Indwara zifata mu ngingo twavuga nka rubagimpamnde, goute, n’izindi ndwara zinyuranye zitera kubyimbirwa no kubabara mu ngingo.

Kuko isombe rikungahaye kuri magnesium bigira akamaro mu kuvura izi ndwara.

Icyo usabwa hano ni ukuvanga nka garama 150 z’ibibabi by’isombe, umucyayicyayi uringaniye, akunyu gacye na garama 15 za tangawizi. Ubicanira muri litiro y’amazi kugeza hasigayemo amazi angana na kimwe cya kabiri cya litiro.

Buri gitondo ukajya unywaho akarahure gato, hehe no kongera gutaka.

Isombe ni ifunguro rifite akamaro kanyuranye ku buzima

6. Kuvura amaso atareba neza

Nkuko twabibonye ibonekamo vitamin A, iyi ikaba izwiho kuba ingenzi mu gutuma tubasha kureba neza cyane cyane mu gihe bwije. Uretse rero kurya isombe ushobora no kuyicanira ugakamura ukajya unywa amazi yayo buri munsi.

Gusa hano ntitwabura kuvuga ko imyumbati yatewe mu butaka burimo cyanogen nyinshi ishobora ahubwo gutera ibibazo byo kureba ibicyezicyezi, niyo mpamvu mu kurya imyumbati usabwa kuyiteka igashya neza ngo cyanogen ishiremo.

7. Kurwanya inzoka

Ubushakashatsi bwakozwe bwagaragaje ko isombe ifasha umubiri gusohora utuyoka tuba tuwurimo. Kuyirya kenshi uretse kukurinda kuzirwara binatuma izari zikurimo zisohoka

8. Yongera appetit

Isombe uretse kandi kuba ifunguro rikundwa na benshi, inafasha mu kugarura appetit iyo wari wagize ikizibakanwa.

Ushobora no gukamura amazi nyuma yo kuyiteka noneho ukayavangamo tangawizi ukajya ubinywa buri gitondo ukibyuka.

9. Ni nziza ku bagore batwite

Abagore batwite bakenera cyane vitamin B9 na C. izi vitamin zikaba zikenerwa cyane mu gihe inda ikiri ntoya. Zikaba rero ziboneka no mu isombe.

10. Irwanya bwaki

Bwaki ni imwe mu ndwara ziterwa n’imirire mibi. Mu isombe habamo poroteyine izwi nka lysine ikaba nziza mu guhangana n’iki kibazo.

Rero mu gihe hai umuntu ugaragaweho no kugira ikibazo cy’imirire mibi, umuti wa mbere ni isombe rya buri munsi, gusa ukibuka kuriteka rigashya neza.

11. Kongera ubudahangarwa

Mu isombe nkuko twabibonye harimo vitamin B9 na C izi zikaba ingenzi mu kongera ubudahangarwa. Vitamin C uburyo ibikoramo ni uko yinjira mu gatima ka mikorobi yaba virusi cyangwa bagiteri, nuko igatuma zipfa. Ndetse inafasha amagufa gukomera ndetse ikanasohora imyanda n’uburozi mu mubiri. Vitamin B9 yo ifasha mu ikorwa ry’uturemangingofatizo bityo bigafasha mu gukora ibirwanya kwihindagura kwa DNA.

Isombe irishwa ibindi byo kurya binyuranye, kandi mu kuyiteka ni ngombwa ngo ishye neza kandi ntuyipfundikira

Icyitonderwa

Nkuko twabibonye ubwo twavugaga ku byiza byo kurya imyumbati, isombe nayo ibonekamo uburozi bwa hydrocyanic acid bukaba bushobora no kubyara urupfu. Niyo mpamvu usabwa kuyiteka igashya neza kandi mu kuyiteka ukirinda kuyipfundikira.

Kuko yo ubwayo nta cyanga gihagije igira ni byiza kuyivangamo ibirungo binyuranye nk’ubunyobwa, inyama se, indagara cyangwa ibindi wabona byagufasha kumva iryoshye kurutaho.

SOURCE: UMUTIHEALTH

Advertisements
Komeza usome

izindi nkuru

Reba ibintu bisekeje abakobwa bakora iyo bakimara gutandukana n’abakunzi babo bakundaga cyane

Published

on

Advertisements

Gutandukana n’umuntu akundaga by’ukuri ni kimwe mu bintu biremereye umuntu ashobora guhura nabyo, nyamara abakobwa boroha umutima kurusha abasore. Niyo mpamvu umukobwa iyo ababajwe n’umusore bagatandukana ari nawe ubabara bikomeye bigatuma akora ibintu umuntu yavuga ko bisekeje mu gihe atari yabyakira.

N’ubwo benshi bagerageza kubihisha, abakobwa benshi usanga iyo batandukanye n’umuntu bakundaga by’ukuri bahinduka cyane, yaba mu mibereho yabo, imivugire n’ibindi bitandukanye ugasanga ntibari bo ubwabo bitewe n’uko ubuzima bwababeraga bwiza buhindutse mu buryo butunguranye bakumva nta byishimo bizakurikiraho nyuma yaho.

Reba bimwe mu bintu bisekeje cyangwa bitangaje abakobwa bakora iyo bakimara gutandukana n’abakunzi babo bakundaga cyane.

1.Gusiba nimero ya telefoni y’uwo bakundanaga

Iki ni kimwe mu bintu bikorwa n’abakobwa benshi iyo batari babasha kwakira igikomere cyo gutandukana n’umuntu ubahemukiye bamukundaga cyane, nyamara akenshi usanga izo nimero aba asiba muri telefoni ye azizi mu mutwe cyangwa afite ubundi buryo bworoshye adashobora kuzitakaza, byanagera igihe bikamurambira akaba yahamagara wa muntu yasibiye nimero.

2. Kumva yarabaye inzobere mu by’urukundo

Umukobwa ukimara gutandukana n’umusore yakundaga cyane ahita yumva abijyanye n’urukundo byose abisobanukiwe ku buryo yanagiramo impamyabumenyi y’ikirenga ndetse icyiciro waba urimo cyose akaba yumva yabasha kuguha inama zikwiye ku bijyanye n’urukundo kuko aba yumva byose yarabinyuzemo.

3. Kongera gukunda Imana cyane

Umukobwa umaze kubabazwa mu rukundo akenshi hari igihe yongera kumva ko akeneye kwiyegereza Imana, ndetse n’umwe utari usanzwe asenga ahita atangira kwiyegereza Imana kugirango imushumbushe undi musore ufite urukundo nyarwo, nyamara iyo amaze kubona undi musore umufatisha ibyo gusenga yongera akabishyira ku ruhande.

4. Utugambo tugaragaza gukomera mu mutima

Akenshi ibi bigaragarira ku mbuga nkoranyambaga, ugasanga umukobwa ibintu ashyira ku mbuga ze bigaragaza ko ari umunyembaraga, adakeneye umugabo cyangwa umusore kugira ngo yibonemo imbaraga, mbese ibintu bigaragaza ko ari umuntu ufite umutima ukomeye, nyamara ugasanga ahubwo muri icyo gihe nibwo umutima woroshye cyane ndetse anifuza kuba yaba ari kumwe n’uwo batandukanye.

5.Bumva cyane indirimbo zituje

Hari indirimbo zivuga ku rukundo ariko zivuga guhemukirana n’ibindi bibabaje, akenshi zikunze kuba zigenda gahoro. Izi ndirimbo zihinduka umusego kuri bamwe mu bakobwa iyo bakimara gutandukana n’umusore, uturirimbo nka Someone Like You ya Adele tuzana amarira n’amwe yibera mu ndiba y’umutima akameneka.

6. Kubwira mu buryo butaziguye uwo bakundanaga ku mbuga nkoranyambaga

Hari bamwe batandukana n’abakunzi babo ugasanga banditse amagambo akenshi adashobora gusigurwa na buri wese uretse uwo babiziranyeho, cyane cyane uwo bakundanaga wamubabaje. Ibi hari n’igihe ntacyo bitanga kuko hari n’igihe uwo muntu aba atabyitayeho ahubwo abandi bitareba ugasanga nibo basaba nyir’ukubishyira ku mbuga nkoranyambaga ibisobanuro.

7. Gutangira gusohoka kenshi

Iyo umukobwa afite umukunzi, akenshi aba yumva yasohoka ari uko bari kumwe. Umukobwa umaze gutandukana n’umusore yakundaga usanga yishimira noneho kwirekura no gusohoka aho abonye hose kabone n’ubwo yaba atabiteganyije, hari n’ababa bumva ari bwo buryo bwiza bwo kugerageza kongera kubona umukunzi.

8. Kwihutira kujya mu rukundo rushya

Bamwe mu bakobwa bakoresha ubu buryo ngo biyibagize umuntu bakundaga cyane, bakaba babijyamo bataniteguye.

SOURCE: MUHABURA.RW

Advertisements
Komeza usome

Hit Music Only!

Advertisement
Advertisement
Advertisement

Trending

Copyright © 2020 YEGOB

Advertisements
%d bloggers like this:
Enable Notifications.    Ok No thanks