Connect with us

Hanze

Urutonde rw’ibyamamare 10 byavutse bikize

Published

on

Advertisements

Bamwe mu byamamare ku Isi bakuriye mu buzima bugoye barahanyanyaza babona ubutunzi, hari n’abandi bavukiye mu miryango ikize cyane ku buryo na bo babaye baherwe bakiri ibisekeramwanzi kugeza ubu bakaba babarurwa mu banyamafaranga bakomeye.

Hari ibyamamare byakoze imirimo igoye nko gukora mu maresitora bahanagura ameza, boza ubwiherero, bakubura ku mihanda, n’indi mirimo iciriritse. Ibi byose babinyuzemo mbere y’uko bagera ku buzima buhenze bafite uyu munsi butangaza benshi.

Urubuga Amerikanki.com rwashyize hanze urutonde rw’ibyamamare 10 mu muziki na sinema byavukanye ubukire ndetse kugeza ubu bakaba barurwa mu baherwe. Hamwe no kuvukira mu miryango ikize, na bo bashyizeho akabo bakorera amafaranga binyuze mu mpano ziganjemo kuririmba no gukina filimi.

1.Julia Louis-Dreyfus

Azwi nka Elaine muri filime yitwa Seinfield no mu yitwa “The New adventure of old Christine” aho yakinnye yitwa Christine, izi zombi ziri mu bwoko bw’izisekeje. Julia Louis-Dreyfus ni umuragwa w’ikompanyi ‘Louis-Dreyfus Energy Services’.

Leopold Louis-Dreyfus, se wa Julia, yari umunyamafaranga wo ku rwego rwo hejuru, yashinze anayobora urwunge rw’amakompanyi rwa ‘Louis Dreyfus Group’ ; ikompanyi ifite inkomoko mu gihugu cy’u Bufaransa. Ikorera mu bihugu birenga 90 ku Isi aho ikora ibikorwa by’ubucuruzi, ingufu, ubuhinzi, ubwubatsi, ubucukuzi bwa peterori n’ibindi.

2.Adam Levine

Ni we ugaragara cyane mu itsinda rya Maroon 5. Se ni we washinze inzu y’imyambarire ya M.Frederic. Levine yubatse izina ubwo yari umutoza w’amajwi mu irushanwa rya The Voice akaba anaherutse kuba umugabo w’igikundiro kurusha abandi bose ku Isi.

3.Jordin Sparks

Jordin Sparks yatangiye kuvugwa mu itangazamakuru ubwo yatsindiraga irushanwa rya American Idol ku nshuro yaryo ya 6, kuba yatunga amafaranga menshi ntibyigeze bimubera bishya kuko se yari umukinnyi ukomeye mu ikipe y’igihugu aho yakoreye miliyoni nyinshi z’amadorari.

 

4.Miley Cyrus

Miley Cyrus yabayeho mu buzima bwiza kuva yavuka, nta mvune yigeze ahura nazo mu kuzamura impano ye no kwigaragaza. Se (Billy Ray Cyrus) wari warigeze kuba umuririmbyi mwiza ndetse wanakunzwe muri Leta Zunze Ubumwe z’Amerika, yagize amafaranga menshi akiri umusore. Ni we wanafashije umukobwa we Miley gutangira gukina filime aho yamenyekanye cyane nka Hannah Montana ku murongo wa Disney.

Miley Cyrus covers 'Heart of Glass' and even Blondie approves

5.Lady Gaga

Lady Gaga ukunze guhabwa akazina ka Mama Monster, yakuriye mu mujyi wa Manhattan muri Leta Zunze Ubumwe za Amerika. Yize mu mashuri meza cyane ndetse ahenze kuko se yari rwiyemezamirimo wubatse izina mu by’itumanaho rya internet.

6.Angelina Jolie

Mbere y’uko avuka, ababyeyi be (Marcheline Bertrand na Jon Voight ) bari abakinnyi ba filime bafite amafaranga menshi. Nubwo atigeze agirana umubano mwiza na se, Angelina Jolie yakuriye mu buzima bumuha icyo yifuzaga cyose, kugeza umunsi yatangiye gukorera amafaranga ye. Kugeza ubu umutungo we ukaba ubarirwa muri miliyoni zisaga 140 z’amadorari.

7.Anderson Cooper

Azwi cyane kuri Televiziyo ya CNN nk’umunyamakuru ukora inkuru zicukumbuye. Umutungo wa Anderson ubarirwa muri miliyoni zisaga 100 z’amadorari. Yakuriye mu buzima bwiza. Yarezwe na nyina Gloria Vanderbilt wari wararazwe miliyoni nyinshi zo mu ikompanyi ya Vanderbilt Empire. Ubutunzi bwa nyina wa Anderson na we yabukomoye kuri sekuru Cornelius Vanderbilt wakoraga ibijyanye n’ubwikorezi bwo mu mato.

8.Lana Del Rey

Se yari umucuruzi ndetse n’umushoramari ukomeye.

9.PSY

Uyu munya Koreya y’Epfo yamenyekanye cyane mu ndirimbo ‘Gangnam Style’ yesheje agahigo ko kurebwa n’abantu miliyari 2 kuri YouTube. Se wa Psy ayobora ikompanyi ya DI Corporation naho nyina akaba afite resitora izwi cyane mu Mujyi wa Seoul.

10.Jennifer Aniston

Jennifer Aniston wakunzwe cyane kubera filime z’uruhererekane nka Friends, yize mu mashuri meza yo mu mujyi wa New York na Los Angeles, aho yize mu ishuri rya Fiorello H. LaGuardia High School of Music & Art and Performing Arts. Ababyeyi be John Aniston na Nancy Dow bakuye umutungo wabo mu bikorwa bitandukanye bya ‘Show Business’.

Nubwo aba bavutse basanga imitungo mu miryango, ntitwakwirengagizako hari bagenzi babo bari ku rwego rumwe cyangwa banabarenze kandi barahereye ku busa. Aha twavuga nka Oprah Winfrey, Mariah Carey, Justin Bieber, Halle Berry, Snoop Dogg, Jay Z, Leonardo DiCaprio, Demi Moore, Jim Carey, Tom Cruise, n’abandi.

Advertisements
Advertisements
Continue Reading
Advertisement [speaker]
Comments

Copyright © 2020 YEGOB

Advertisements
%d bloggers like this: