HARAGIRIMANA Dieudonne
Umwana w’umuhungu uri mu kigero cy’imyaka 15 usanzwe ucuruza insenda ku muhanda ,urukundo rwamukoresheje ikintu ashobora kuzicuza ubuzima bwe bwose .
Ikinyamakuru Yabaleft online cyashyize hanze inkuru y’umwana wo mu gihugu cya Nigeria usanzwe ucuruza insenda ku muhanda , wasanzwe yariciye ibisebe ku kuboko kwe kw’ibiryo ari kwiyandikaho izina ry’umukobwa bakundana mu rwego rwo gushimangira urwo amukunda.
Uyu mwana w’umuhungu yiyanditseho izina “zainab” rikaba ari izna ry’umukobwa ngo basanzwe bakundana .
Uyu muhungu utigeze utangazwa amazina wabonaga umubiri we ugifite ibikomere bigaragara ko iryo zina nta gihe giciyemo aryiyanditseho.
Iki kinyamakuru ntikigeze gitangaza neza icyo uyu muhungu yakoresheje yiyandikaho ,ariko wabonaga ko ashobora kuba yakoresheje akuma ,cyangwa uburyo bwa cyera bwakoreshwaga no mu Rwanda bwo gukoresha amata y’imiyenzi.
Aha umuntu akibaza byagenda gute aramutse ashwanye n’uwo mukobwa ntabe ariwe babana nk’umugore n’umugabo cyangwa akagira akazi kamusaba kuba ntagishushanyo agira ku mubiri !?
