Connect with us

Featured

Umva uko Asinah yakujeho Neg-G wamusabye urukundo mu ndirimbo

Published

on

 

1441871787_neg_g-horz

Mu minsi ishize nibwo Neg-G The General yashyize hanze indirimbo yise ‘Ihorere Asinah’ aho amubwira ko amuhoza amarira yagiriye mu rukundo ndetse anamwerurira ko we anamwikundira cyane.

Asinah, agira icyo avuga ku ndirimbo yahimbwe na Neg-G yavuze ko yizera ko bigarukira mu buhanzi gusa kuko ari ibintu bidashoboka.asinaha

Asinah wigeze gukundana na Riderma, ariko nyuma bakaza gutandukana, mu kiganiro na izubarirashe.rw yagize ati“ naratunguwe cyane kubera iriya ndirimbo ni nziza mu buryo bukomeye. Ni indirimbo irimo amagambo navuga ko, it’s so real (ni ukuri nyako). Irimo amagambo afite byinshi yanyibukije cyane.”

Asinah kandi yahamije ko amagambo menshi ari muri iki gihangano avuga ukuri nyako kw’ibyabayeho ariko anavuga ko aho kumubabaza, yumvise ari indirimbo nziza cyane.

Yagize ati “Amagambo y’iriya ndirimbo arimo ukuri cyane ariko ntabwo byigeze bindakaza ngo numve mbabaye ngo yavuze ibintu atagombaga kuvuga. We yaririmbye uko yumva ibintu kandi niko byari bimeze. Wenda yongereyemo ubuhanzi bwe, ashyiramo amagambo n’ibindi bivuye mu buhanzi bwe ariko byinshi muri byo ni true story (inkuru mpamo). We yabivugaga nk’uko yabyumvise cyangwa se n‘uko yabyiboneye”.

Ku bijyanye n’urukundo yagaragarijwe, Asinah yavuze ko yumva ari ubuhanzi gusa no gushaka kuryoshya indirimbo ko atari akomeje ndetse ko atanatinyuka kumuhingukiriza iryo jambo mu buzima busanzwe ndetse ko n’ubwo yabivuga ari ibintu bitashoboka na gato, ati “Icyo nkubwira nuko nyine yongereyemo ubuhanzi, biriya yabishyizemo gusa kugira ngo indirimbo irusheho kuryoha ariko ndakeka ko atari ibintu yavuze akomeje. Ntanubwo yabitinyuka. Ntabwo yabitinyuka rwose kuko ni ibintu bidashoboka na gato.”

Uyu mukobwa kandi wamaze no kwinjira mu buhanzi, yakomeje avuga ko kubera uburyo iyi ndirimbo yamukoze ku mutima azayishyira no mu mishinga ye ya muzika maze akayikoreshereza amashusho.

Yagize ati “Nyuma yo kumva iriya ndirimbo, njye naramuhamagaye turaganira mubwira ko nzamukoreshereza video yayo. Ubu niwo mushinga mfite wa vuba aha, hanyuma nanjye ibyanjye bikaza bikurikiraho nyuma.”

Iyi nkuru tuyikesha Izubarirashe

Continue Reading
Advertisement [speaker]
Comments

Copyright © 2020 YEGOB

%d bloggers like this: