YegoB
Gary Neville, umwe mu bakinnyi bakinanye na Cristiano Ronaldo igihe yari akiri muri Manchester United, yahishuye uburyo bamufataga nabi bikomeye ari nabyo byaje gutuma ahinduka umukinnyi w’ikirangirire.
Mu kiganiro yagiranye na Talksport, Neville akaba yagize ati :”Cristiano yafashwe nabi ku buryo bushoboka bwose mu gihe cy’imyaka ibiri cyangwa akigera muri Man U gusa avugako byatumye avamo umugabo. Akigera muri Manchester United ntago yafatwaga nk’umukinnyi uhambaye. Urebye uburyo yakinaga mu myaka ibiri cyangwa se itatu yambere mu ikipe ya Man U, uburyo yatakereza ndetse n’uburyo yafataga ibyemezo yewe n’igihagararo cye byose ubonako byagiye bitera imbere ku buryo budasubirwa muri iyo myaka itatu cyangwa 4. Gusa ariko mu myaka ibiri yakurikiyeho 2007-08 na 2008-09 ndahamya ntashidikanya ko ibintu abafana ba Man U babonye Cristiano akora ntawundi mukinnyi bari barigeze babibonaho narimwe. Yari ari ku rundi rwego bya nkaho aturutse ku wundi mubumbe. ”
