Connect with us

Umusore w’umukene wo muri Gabon yamenyekanye ku Isi kubera gusubiramo indirimbo ya Celine Dion

Featured

Umusore w’umukene wo muri Gabon yamenyekanye ku Isi kubera gusubiramo indirimbo ya Celine Dion

Kuwa 18 Nyakanga 2016, Samuel yafashwe video agerageza kuririmba nka Celine Dion muri “The Power of Love”, imwe mu ndirimbo zubatse amateka akomeye ku Isi. Yakwirakwijwe ku mbuga nkoranyambaga za Facebook, Twitter na Instagram.

Abarebye video ya Samuel yigana Celine Dion bakoze ku mutima n’ubuhanga bukomeye afite mu muziki. Icyatangariwe na benshi ni uko yayisubiyemo mu ijwi rijya ryumvikanisha ko afite ubuhanga buhanitse mu kuririmba kandi atarakandagiye mu ishuri ryigisha umuziki.

Ibinyamakuru bikomeye muri Gabon no ku Isi birimo BBC, AFP, AP byanditse inkuru ivuga ubuhanga bwa Samuel bikanagaruka ku nkomoko ye n’ubuzima bubi abanyemo n’umuryango ukennye.

BBC itangaza ko Samuel w’imyaka 17 yavuye mu ishuri ku bwo kubura ubushobozi. Abayeho mu buzima butari bwiza mu Mujyi wa Libreville ndetse nta cyerekezo gihamye afite mu mibereho ye.

Ubwinshi bw’abasakaje video ya Samuel yigana Celine Dion bwatumye igera kuri uyu muhanzi w’ikirangirire ku Isi. Iyi video yageze kuri Celine Dion imaze kurebwa n’abagera kuri miliyoni mu cyumweru yari imaze isakazwa.

Celine Dion yatunguwe n’ubuhanga bwa Samuel, byamukoze ku mutima ahita ayisangiza abasaga miliyoni 23 bamukurikira kuri Facebook. Mu ijoro rimwe yarebwe ku muvuduko wo hejuru ndetse kugeza ubu abarenga miliyoni eshatu bamaze kuyireba.

Yayiherekeje ubutumwa bushimagiza Samuel, yagize ati “Samuel, impano yawe ni nini nk’uko ijwi ryawe ringana. Byankoze ku mutima uburyo indirimbo zanjye zambutse zikakugeraho, nizeye ko tuzagira amahirwe umunsi umwe tukabonana.”

Kanda hano urebe Samuel aririmba “Power of Love: ya Celine Dion

 

Celine Dion yahaye Samuel ubutumwa bumutera imbaraga amusaba ko yaririmba cyane byisumbuye impano ye ikazamutunga. Ati “Inzozi zawe zose zibe impamo. Komeza uririmbe nk’uko ubikora.”

Samuel uvuka mu muryango utishoboye i Libreville, yabwiye AFP ko nta mahirwe yagize yo kwiga ndetse nta kanunu afite ku masomo ya muzika. Yatunguwe cyane no kuba Celine Dion yaramwandikiye, gusa ngo yabimenye abibwiwe na mukuru we utuye mu Mujyi rwagati kuko nta telefone atunze ndetse nta konti ya Facebook agira.

Ati “Ntabwo nari mbyiteguye. Nta telefone ngira, nta na konti ya Facebook mfite, ni mukuru wanjye wambwiye ko Celine yasakaje video yanjye. Nizeye ko nshobora kuzahura na we.”

 

 

Samuel atangiye gutumirwa mu bitangazamakuru ngo avuge ibye na Celine Dion

 

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Meddy ft Nish – Downtown

By July 17, 2019

indirimbo

Izina Ryanjye by Christopher

By July 17, 2019

indirimbo

Ni Forever by Kamichi

By July 5, 2019

indirimbo

Abana babi by Danny Vumbi

By July 5, 2019

Facebook

To Top