Epaphrodite Nsengimana
Mu ijoro ryo ku wa 26 Ugushyingo 2022 nibwo uyu musore Selekta Danny yahigitse abandi ba DJs batanu bari bahataniye igihembo nyamukuru cya miliyoni 18 Frw mu irushanwa rya “MutzigAmaBeats” bitegurwa na BRALIRWA ni nyuma y’amezi macye uyu musore atsindiye imodoka murindi rushanwa ryaba Djs rejeruka.
Nyuma y’uko aba Dj bagahatana mu ijonjora ry’ibanze, hatoranyijwe 10 bahize abandi maze baremwamo amakipe ya babiri babiri, bakajya bahatanira mu bitaramo byazengurutse Intara z’igihugu cyose.
Uko ari batanu batoranyijwe muri buri Ntara bagombaga guhura ubwabo, bagahatanira igihembo nyamukuru cy’irushanwa.
Mu ijoro ryo ku wa 26 Ugushyingo 2022 nibwo uwo munsi wari wageze maze abarimo Dj Rugamba, DJ FTrucker, DJ Khizzbeats na DJ Buster na Selekta Danny bisanga bahatanira igihembo nyamukuru.
Aba bahataniraga imbere y’akanama nkemurampaka kari kagizwe na DJ Anita Pendo, DJ Bissosso, DJ Sharif na DJ Infinity batangaga amanota.
