Connect with us

Imyidagaduro

Umukecuru yatewe agahinda na mugenzi we watashye ubukwe yambaye impenure

Published

on

Ubusanzwe usanga abagabo aribo benshi bavuga ko babangamirwa n’utujipo tw’impenure twambarwa n’igitsinagore, gusa aho bigeze hari n’ababyeyi berura bakavuga ko biteye isoni n’ikimwaro kubona umubyeyi wiyambitse ubusa imbere y’abana.

Hari mu bukwe bwabaye ku cyumweru tariki ya 17 Nyakanga 2016 mu Murenge wa Ndera hafi y’ikigo cy’ishuri cyitwa APAER, yari mu muhango wo gusaba no gukwa.

Icyari kigezweho kwari uguhamagara, umuntu uvugira inka (umutahira) hinjiye umubyeyi uri kumwe n’abakobwa babiri b’inkumi.Nta wamenyaga umuto cyangwa umukuru kuko uretse umubiri wamaze kuzana iminkanyari wamutamazaga, imyambarire yo yari imwe n’abo bakobwa.

Baravuga ngo inkuru mbarirano iratuba, abantu batangiye kurebana dore abashinzwe kwicaza abantu bamwicaje ku ntebe y’imbere yari isigaye naho abo bakobwa bo bakabicaza ahandi hatandukanye kuko imyanya yari yashize.

Aho bicaje uwo mubyeyi wari wambaye akajipo ku mweru gasatuye imbere n’inyuma hari hicaye n’umukecuru w’imyaka 61.

Nagiye kubona mbona aho yari yicaye atangiye kurira, mukanya gatoya asohoka yihanagura mu maso, nk’umuntu wari umuzi naramukurikiye ngo mubaze uko bimugendekeye dore ko mu bukwe tutamenyereye ko abantu barira uretse wenda abageni.

Umukecuru mu kiniga cyinshi yagize ati” Ndeka wa mwana we, ndeka rwose, ubuse turagana he niba abana bambara ubusa natwe ababyeyi tukabwambara.”

Sinahise menya icyo ashatse kuvuga, gusa namugumye iruhande ngo acururuke maze ambwira ko atari umurokore ngo abe yakabya mu bijyanye n’imyambarire ko ariko hari ubwo bimurenga akananirwa kwihangana kubera abagore basa batakigira umutima.

Ati “Hari ubwo ndeba uwakwiswe umubyeyi , akaba ugomba gutanga uburere ku bana babyiruka ariwe wambaye imyenda y’urukozasoni nkumva birambabaje.”

Yakomeje agira ati “Buriya nsohotse nanga gukomeza kumva ukuntu abasore batunegura ko abakecuru b’ubu batakigira ubwenge, ngo urabona kiriya gikecuru kicaje ikibuno gusa.”

Uwo mukecuru akomeza avuga ko bibaye bikorwa n’abana wavuga ko bataramenya ururo n’icyatsi ariko ko atumva neza ukuntu umuntu wujukuruje ahitamo kugaragaza uko ari imbere n’inyuma ku manywa y’ihangu kandi akumva ko ntacyo bitwaye.

Uyu mubyeyi mu ijwi ryuje ikininga yatangaje ko abona ko biramutse nta gikozwe abana bavuka muri iki gihe batazagira igaruriro ngo bavemo ababyeyi bazahekera u Rwanda.

Umukecuru yahise yitahira ubukwe butarangiye kubera kumva ababajwe n’ababyeyi batihesha agaciro.

Nubwo uyu mukecuru ari we wagaragaje amarangamutima ye, ababonye uwo mubyeyi bigaragara ko akuze ariko yambaye impenure wumvaga babibinegura.

 

 

Leave your vote

Comments

0 comments

Advertisement
Click to comment

Shyiraho igitekerezo

Izikunzwe

Advertisement
Advertisement

Inkuru z'umunsi

Log In

Forgot password?

Don't have an account? Register

Forgot password?

Enter your account data and we will send you a link to reset your password.

This site is protected by reCAPTCHA and the Google Privacy Policy and Terms of Service apply.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

error: Content is protected !!
Skip to toolbar