HARAGIRIMANA Dieudonne
Nyuma y’insinzi ikipe ya Real Madrid yegukanye mu mikino ya Champiyona muri Weekend ishize, nibwo ubusabe bw’abafana ba Real Madrid bwatangiye gushyirwa mu bikorwa aho ubuyobozi bwahise bwihutira guha amasezerano mashya abakinnyi barimo Isco ndetse na Marcelo. Kurubu icyo gikorwa cyakomereje kuwundi mukinnyi w’iyi kipe ukomeye.
Amakuru dukesha ikinyamakuru AS aremeza ko umunya Espagne Dani Carvajal yemeye gusinya amasezerano y’imyaka itanu mu ikipe ya Real Madrid aho azarangira mu mwaka wa 2022, ndetse hakiyongeraho ko ikipe yose yamushaka yasabwa gutanga Miliyoni 350 z’amayero kugirango imwegukane. Uyu musore akazajya ahembwa amafaranga asaga Miliyoni9 z’amayero ku mwaka. Uyu nawe akaba ari umwe mu bifuzwaga cyane n’abafana ba Real Madrid kugirango yongere amasezerano.
