Epaphrodite Nsengimana
Umuhanzikazi nyarwanda Clarisse Karasira nyuma yo gukora ubukwe n’umugabo we bakibaruka umwana bise Kwanda, uyu Karasira yatangiye umwaka wa 2023 ashima Imana ndetse ataka ubwiza umwana we yise Kwanda.
Abinyujije ku rukuta rwe rwa Instagram yagize ati “Ukwibyara gutera ababyeyi ineza, Batambira b’ineza….” Ni nde wibuka iki gisigo cya Nyakayonga ka Musare ngo akomereze kuri ‘Munozandagano wa Nsana ya Buhanza..?”
Hagati aho bakundwa, dutangiye umwaka neza mu mashimwe menshi. KWANDA araanda, arakura agwiza ibigwi, uw’Imana n’abayo aratwambika ubuhizi akaturaga ubugiri.
Aratwizihira imitima, aratwuzuza ubuzima! Njye na Se, Rugero rwahogoje ingerero, Rwigabizabaganizi, mu mbi agasiga ingereri turabatashya tubifuriza ibyiza namwe! Amahoro.”
