Connect with us

izindi nkuru

Uko wakwirinda impumuro mbi mu kanwa

Published

on

Advertisements
Ni kenshi dukangurirwa kugira isuku yaba iyo k’umubiri ndetse n’izindi ngingo zitandukanye zigize umubiri wacu kuko iyo iyi suku ititaweho uko bikwiye usanga duhura n’ingaruka zitandukanye harimo n’indwara tugenda turwara zituruka ku isuku nkeya. Imwe muri izo ndwara ikomoka ku isuku nke ni iyo kugira impumuro mbi mu kanwa.
 
Akenshi iki kibazo giterwa na bagiteri ziba ari nyinshi mu kanwa, zigasya ibyo uba wariye, nuko bigatanga impumuro itari nziza mu kanwa. Ubwinshi bw’izi bagiteri bushobora guterwa n’impamvu nyinshi zitandukanye.
 
Kugira impumuro mbi mu kwanwa rero biterwa n’ibintu bitandukanye; hari igihe biterwa n’indwara zo mu kanwa cyane cyane indwara z’ishinya. Iyo umuntu afite ishinya irwaye, ibyimbye, ivamo amaraso ndetse hakaba n’ubwo ivamo amashyira, nta kabuza uwo muntu agira impumuro mbi mu kanwa.
 
Hari n’ubwo ibi kandi biterwa n’inyama 2 ziba mu muhogo bita “amygdales” mu rurimi rw’igifaransa. Izo nyama zicukukamo utwobo twinshi cyane bitewe n’impamvu zitandukanye, hanyuma umuntu yarya, ibiryo bigafatamo. Ibyo biryo biza kugaga ndetse bikanabora maze umuntu yabumbura umunwa gato umunuko ugatungura.
 
Indwara y’ubuhumekero yitwa sinezite iterwa n’udukoko two mu bwoko bwa virusi, n’ubwa champignons nayo itera uyirwaye kugira impumuro mbi mu kanwa. Iyi ndwara yibasira imyanya yo mu magufa y’akanwa ahagana mu gice cy’inyuma cyo mu nkanka, igatuma umuntu azana amashyira mu gice cy’inyuma cy’amazuru.
 
Twavuga kandi n’indwara zo mu mihogo, nka anjine zituma mu muhogo hazamo ibisebe bishobora kubyara amashyira mu gihe uzirwaye ativuje, nazo zituma umuntu agira impumuro mbi mu kanwa.
 
Tubabwire ko kandi uko umuntu arya akibagirwa koza amenyo, imyanda iragenda igafata ku menyo. Ibi nabyo biha urwaho ibisigazwa biba byasigaye mu kanwa birimo mikorobe zihura n’imyunyungugu yo mu macandwe maze bikagenda bigafatira ku menyo kugeza ubwo uburoso budashobora kuba bwabivanaho. Ibyo nabyo biri mubitera impumuro mbi mu kanwa.
Ikindi mukwiye kumenya n’uko kutita ku menyo ndetse no ku isuku yo mu kanwa bifite ingaruka kuri nyirubwite ndetse na bagenzi be. Zimwe muri zo harimo kubangamira abo mubana ndetse n’abo muri sosiyete bityo bigatera ipfunwe. Indi ngaruka ni uko mikorobe zituruka ku kutagirira isuku ikwiye akanwa zikwirakwira mu bindi bice by’umubiri w’umuntu bityo bikaba byamukururira indwara harimo iz’umwijima ndetse n’izindi ndwara zandura.
 
Hari ubwoko bw’ibiryo bimwe na bimwe byongera guhumura nabi mu kanwa.
 
Tungurusumu n’ibitunguru biri mu byongera iyi mpumuro mbi. (Ibi biribwa bigaragaramo ikinyabutabire sulfur, usibye mu kanwa, kiragenda kikagera no mu bihaha, kinyuze mu maraso nyuma y’igogorwa, kikaba cyatera guhumeka umwuka wumva urimo tungurusumu cg ibitunguru.)
Bimwe mu biribwa bishobora gutera iyi mpumuro mbi usibye ibyo twavuze, hari n’amafi , imboga zimwe na zimwe nk’amashu, chou-fleur, broccoli ndetse na kale. Pome n’ibindi birimo vitamini C bifasha gusukura mu kanwa no gutuma bagiteri zitiyongera. Nanone Amata n’ibindi bikomoka ku mata ni byiza ku buzima bwacu, kuko bifasha mu gukomeza amagufa n’izindi ntungamubiri dukenera. Gusa ni kimwe mu bitera guhumura nabi mu kanwa (Mu mata habonekamo aside amino, ituma bagiteri ziyongera cyane mu kanwa, cyane cyane ku rurimi. Uko bagiteri ziyongera, niko hagenda hakorwa ibinyabutabire bitandukanye mu kanwa; kimwe muri byo hydrogen sulfide niyo itera umuhumuro nk’uw’ibintu byaboze, bityo impumuro mbi ikiyongera).
 
Uburyo ushobora kurwanya impumuro mbi mu kanwa.
 
Inama ikomeye igirwa abantu bafite iki kibazo cyo kugira impumuro itari nziza mu kanwa, ni uko bakwiye kumenya ko imiti ikoreshwa boza mu kanwa idashobora gukiza burundu indwara yo kugira impumuro mbi mu kanwa ahubwo bagane muganga w’indwara zo mu kanwa no mu muhogo kugira ngo abasuzume amenye neza impamvu itera icyo kibazo. Iyi ndwara iravurwa kandi irakira.
 
· Niba uri ahantu utashobora koza amenyo nyuma yo kurya, gerageza urye shikarete , ni byiza kurya izitarimo isukari, byibuze nyuma yo kurya iminota 5
· Amazi asukura mu kanwa avanamo bagiteri, ndetse agatuma amacandwe akorwa cyane. Gerageza kunywa amazi kenshi uko ubishoboye ku munsi.
· Isuku ihagije mu kanwa ni ngombwa, ugomba koza amenyo byibuze 2 ku munsi. Ni ngombwa kandi koza ururimi ariko udakubyeho cyane.
· Kwibanda ku biryo bikungahaye kuri vitamin C, bituma bagiteri zitabasha gukurira mu kanwa.
· Ugomba guhindura uburoso bw’amenyo byibuze nyuma y’amezi 3.
· Mu gihe ufite ikibazo cy’amenyo ugomba kugana muganga w’amenyo akaba yagusuzuma hakiri kare.
Advertisements
Advertisements
Continue Reading
Advertisement [speaker]
Comments

Copyright © 2020 YEGOB

Advertisements
%d bloggers like this:
Ntucikwe    Ok No thanks