in

Uko asiga abandi aberetse mu bworo bw’ikirenge ni ko abajura basize konti zimuhamagara

Ku munsi wo ku wa Kane, Usain Bolt ikirangirire mu gusiganwa ku maguru mu mikino Olempike, yabuze miliyoni 12 z’amadolari kuri konti ye yo muri sosiyete ishora imari, Stocks and Security Limited, kubera yibwe n’abajura bakoresha ikoranabuhanga, aba-hackers.

Abunganira iki kirangire, bavuze ko biteguye gutanga ikirego niba ibyo ari byo bishoboka kubafasha kugaruza amafaranga yaburiwe irengero mu buryo butangaje avuye kuri konti ya Bolt.

Abunganira Bolt, bagize bati: “Amafaranga yari kuri konti y’izabukuru ya Bolt ndetse ni yo yari amaze ubuzima bwe bwose azigamaho.

Umwunganizi wa Bolt, Linton P. Gordon, yagize ati: “Ni inkuru ibabaje kuri buri wese, by’umwihariko kuri Bwana Bolt washyizeho iyi konti mu rwego rwo kuzigamira ubuzima bwe bw’izabukuru.

Yatangarije ikinyamakuru Fortune kuri telefoni ati: “Tuzajyana mu rukiko iki kibazo, niba sosiyete ya Stocks and Security Limited itadusubije amafaranga twibwe. “

Yongeyeho ati: “Birababaje cyane, kandi turizera ko iki kibazo kizakemuka ku buryo Bwana Bolt azagarura amafaranga ye kandi akabasha kubaho mu mahoro”.

Ku bijyanye n’iki kibazo, Stocks and Securities Ltd mu itangazo ryashyize ahagaragara ku ya 12 Mutarama yavuze ko yamenye ibikorwa by’uburiganya byakozwe n’uwahoze ari umukozi wayo kandi ko yabimenyesheje abashinzwe umutekano.

Itangazo ryashyizwe ahagaragara ku wa Mbere w’icyumweru gishize n’inzego z’umutekano za Jamaica, rivuga ko ibikorwa bivugwa ko ari uburiganya muri SSL bivugwa ko byagize ingaruka kuri konti za Bwana Usain Bolt n’abandi bantu birimo gusuzumwa n’ikipe ibishinzwe.

Hagati aho, mu ijoro ryo ku wa Kabiri ushize, Minisitiri w’imari wa Jamayika, Nigel Clarke yavuze ko SSL yakoze uburiganya ndengakamere, anasezeranya kuzashyikiriza ubutabera abakoze ababigizemo uruhare bose.”

Ibiro ntaramakuru by’Abanyamerika Associated Press byatangaje ko konti ya Bwana Bolt yari afite muri iyi sosiyete yayishyizemo kugira ngo izamufashe mu kiruhuko k’izabukuru, we n’ababyeyi be.

Written by RUDAHARA Avite

Uramutse ubonye ikosa cga ikibazo muri iy’inkuru wampamagara kuri :
+250784501175

Subscribe
Notify of
guest
0 Comments
Inline Feedbacks
View all comments

Urutonde rw’abakinnyi 11 umutoza Haringingo Francis azabanza mu kibuga bakamufasha guha isomo rya ruhago Musanze FC yamukojeje isoni mu mukino ubanza

Amashirakinyoma ku bikomeje kuvugwa ko Byiringiro Lague atacyerekeje muri Sandvikens IF yo muri Suède yari yemeye kumutangaho arenga miliyoni 200