Connect with us

YEGOB|Entertainment News

UBUHAMYA: ” Najyanywe i Dubai ariko ni ukuzimu kuzuye”-Sina

Featured

UBUHAMYA: ” Najyanywe i Dubai ariko ni ukuzimu kuzuye”-Sina

Iteka bivugwa ko hari abakobwa bagurishwa hanze y’igihugu bamwe bakabihakana ndetse abandi bakabifata nk’ibidashoboka,gusa nyuma y’ubuhamya umukobwa witwa Soudain ukomoka muri Commune Musigati mu ntara ya Bubanza (Burundi) yahaye Yaga Burundi ushobora kwemera neza ko ababuze mirimo hari ubwo babura aho bapfunda imitwe bakayoboka hanze bibwira ko bagiye gushaka amaronko nyamara yahe yo kajya.

 

 

 

Ku italiki ya 30/07/ uyu mwaka nibwo isi yizihiza umunsi wo kurwanya icuruzwa ry’abantu ,mu gihe hari abatemera ko muntu yabaye igicuruzwa nk’ibindi kubw’ifaranga ryahumye amaso rubanda, Soudain  wagurishijwe yavuze ko we yarangije amashuli yisumbuye muri 2014,nyuma yaje kubura ubushobozi bwo kumujyana kwiga muri kaminuza nuko aguma i wabo afasha ababyeyi imirimo.

Ngo mu gihe yibazaga amaherezo y’iyo mirimo yafashaga ababyeyi kandi agomba kuzihangira ubwiwe buzima,haje kuza abagabo babiri  maze bamubwira we n’abagenzi be 19 ko bashobora ku babonera akazi kandi hanze y’igihugu .n’uko Soudain nk’umuntu wari umaze igihe mu bukene kandi yitwa ngo yarize ngo yahise abifata nk’ubonekewe .

 

Abo bagabo ngo baje kubakorera ibishoboka byose maze babajyana mu  buyobozi kugira babone impapuro z’inzira.Ntabwo byaje gutinda impapuro z’inzira zabonetse nyuma y’ukwezi kumwe gusa maze bahita bafata inzira berekera i Dubai.

Soudain ati” Nibwo bwa mbere narinkoze urugendo mu ndege numvaga nishimye bidasubirwaho,twageze ku kibuga cy’indege maze njyewe umugore aba ariwe ujyana

Tugeze iwe mu rugo natangiye nkora akazi kuva mu gitondo saa moya kugeza saa Tatu ariko naruhukaga amasaha atatu cyangwa abiri,Hashize ibyumweru bibiri cya kiruhuko cyo kumanywa cyakuweho ntangira gukora kuva saa 4h za mu gitongo  kugeza saa tatu z’ijoro, naratekaga,nkamesa imyenda y’abantu icumi bari muri iyo nzu,ngakoropa ,ndetse nkoza imodoka 5 zari aho,ariko ibi byose nkabikora baramaze kumpindurira izina nsigaye nitwa “Sina”

Ntabwo bashakaga kongera kumbona ndakora ndetse iyo narangizaga kare umuturanyi yazaga kundeba nkajya gukomereza akazi i we  nkakarangiza ari nka saa munani z’ijoro  maze nkaruhuka amasaha abiri gusa,ayo masaha abiri nayamaraga ndira ,nshengurwa n’agahinda nibaza uburyo nzasubira i wacu aho mvuka.

Nagerageje kongera kuvugana  byibura n’umwe muri ba bagabo bari baratuzanye biranga.Nageze aho ntabashaga kwihanganira imirimo ivunanye narintegeswe gukora maze mfata umwanzuro wo kwiyahura.

Nasimbutse mu nzu ndende twabagamo gusa sinapfa maze mvunika ukuguru,abankoreshaga baramvuje ariko mara ukwezi ntava mu buriri,banjyanye ku baganga 5 bose gusa  naje kwanga  kurya kabone nubwo inzara yabaga imereye nabi gusa n’amazi ya mugezi ntiyankoraga ku munwa,Mu gihe bari barabuze uko babigira nko nkira mbakomereze akazi nabwiye imfura yabo dore ko ariyo yumvaga igi Swahili ko ndwaye”ibitega” (ibirozi) kandi ko ntahandi babimvura usibye aho mvuka.

Byarangiye bamfatiye itike y’indege ngo banyohereze mu Burundi nivuze ariko ngo nimara gukira nzagaruke yewe n’umushahara ntawo nahawe mbese nakoreshwaga nk’uwishyuye ,nsinjye warose ngeze ku butaka bwa Data nahise nshanyura Passport hehe no kongera kujya gushwiragira nshaka imibereho ahandi hatari ku butaka navukiyeho”

Continue Reading
Advertisement
You may also like...
1 Comment

1 Comment

  1. Nagashema Joseph

    July 30, 2016 at 2:47 pm

    TWESE HAMWE NIDUHAGURUKIRE KURWANYA ICURUZWA RY’ABAKOBWA!

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Kankora ahantu by Passy

By May 21, 2019

indirimbo

Urakwiriye by Official Yvette

By May 19, 2019

indirimbo

Zirayumvira by Zawadi

By May 19, 2019

indirimbo

Twifunze by Sintex

By May 18, 2019

Facebook

To Top