Connect with us

Tom Close arifuza guhura na Perezida Paul Kagame bakaganira

Featured

Tom Close arifuza guhura na Perezida Paul Kagame bakaganira

Umuganga akaba n’umuhanzi Muyombo Thomas uzwi nka Tom Close muri muzika nyarwanda, wegukanye irushanwa rikomeye rya Primus Guma Guma Super Star ku nshuro ya mbere, yahamije ko mu buzima bwe hari intwari afata nk’izibihe byose aribo; Perezida wa Republika y’u Rwanda Paul Kagame, Nelson Mandela wayoboye Afurika y’Epfo n’Umubyeyi we wamwibarutse.

Tom Close amaze imyaka igera ku icyenda muri muzika, ni umwanditsi w’ibitabo, ni umuhanzi w’ibigwi udacika intege mu byo akora byose, akunzwe cyane mu ndirimbo ’Malaika murinzi ’ aherutse gushyira hanze.Tom Close nk’undi mu nyarwanda wese nawe yagizweho ingaruka na Genocide yakorewe Abatutsi mu 1994, avuga ko ubwo yagarukaga mu Rwanda, yaciye ku mirambo y’inzira karengane ndetse yigeze no gukinisha igisasu atakizi ariko agira amahirwe nticyamuturikana.

JPEG - 91.5 kb
Tom Close arubatse, yashakanye na Ange Trica babyarana umwana witwa Ella

Tom Close avuga ko u Rwanda rwavuye mu icura burindi bigizwemo uruhare n’ingabo zahoze ari iza RPA [RDF], ziyobowe n’intore izurusha intambwe Nyakubahwa Perezida Paul Kagame. Avuga ko isi yagize intwari zitandukanye ariko Perezida Kagame ibikorwa bye byivugira, Nelson Mandela n’umubyeyi wabyaye Tom Close, biyongera kuri Perezida Kagame nk’intwari zaharaniye ko umuntu agira agaciro.

Tom close yabwiye Radio 10, binyuze mu kiganiro 10 Tonight, ko yifuza kuzahura na Perezida Paul Kagame n’ubwo aziko bitoroshye ariko yizera neza ko igihe kizagera bagahura. Avuga ko igihe Perezida Paul Kagame azaba atakiyobora u Rwanda cyangwa se na mbere yaho yifuza ko bahura bakaganira birambuye, kuko hari byinshi umuntu aba abona ariko atazi inzira bicamo ngo bikorwe.

Tom Close usanzwe ari n’umuganga, yahamije ko Perezida Paul Kagame ari intwari y’ibihe byose kuri we. Uyu muhanzi yabanje kwisegura ku bantu ngo ntibamwunve nabi ngo ni politiki ahubwo we niko abibona.

Ati “Nkiri muto nakinishije igisasu nticyaturika ku bw’amahirwe…Ni ukuvaga ngo nabaye muri iki gihugu nk’uwakibayemo mu ntambara, wenda biratandukanye exprience[Ibyo umuntu yanyuzemo] yo kubura abawe…Usibye ko nanjye nabuze abanjye bari muri iki gihugu bakirwanirira , ni ukuvuga ngo kubona igihugu kimeze gutyo, nkaba nkbona kimeze ukunguku, si uko ariwe wenyine wabikoze hari n’abanyarwanda bamufashije, ariko buriya iyo umuyobozi abaye mubi ibintu birapfa…birapfa eeeeh, cyangwa bikaguma aho biri.

Impanvu mufata nk’intwari, igihugu cyacu akiyobora nk’uko umuntu ateza imbere urugo rwe, buriya iyo umuntu afite urugo arukunda yifuza ko umwana we yiga mu kigo cyiza, akifuza ko umugore we asa neza, akifuza ko inzu ye isa neza…. Hari umuntu ubona ashobora kuba umuyobozi mwiza ariko ibipfuye ntabyiteho, kuko hari bike byabaye byiza, ariko we ibintu byose abikora Perfect [Neza], njye mufata nk’intwari yanjye.’’

Mu byukuri biragoye kuba nahura nawe akiri Perezida ariko nakwifuzako igihe aza ritayaringa [Retired] nahura nawe nkaganira nawe nka mubaza ibibazo bitandukanye byinshi. Hari ibintu umuntu arebesha amaso ariko atazi ukuri kubyihishe inyuma, ni ukuvuga ni we muntu nifuza guhura nawe mu buzima bwanjye,

JPEG - 30.2 kb
Tom Close wifuza guhura na Perezida Paul Kagame ngo baganire

Umunyamakuru waganiraga naTom Close yasoje ikiganiro amwifuriza guhura n’umukuru w’igihugu. Tom Close avuga ko atari ibintu yashyiraho Pressure [Igitutu] kuko bitagendera k’amarangamutima ye ahubwo agomba gutegereza igihe kikagera.

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Sukuma by Shaffy

By September 11, 2019

indirimbo

Sibo by Oda Paccy

By September 11, 2019

indirimbo

Ndi kumwe nawe by BIGGY SHALOM

By September 1, 2019

indirimbo

Byakoroha by Nel Ngabo

By August 24, 2019

Facebook

To Top