The Ben ukorera umuziki we muri Leta Zunze Ubumwe za Amerika ari ku rutonde rw’abahanzi bakomeye bahataniye ibihembo bya African Entertainment Awards USA bizatangirwa i New York kuwa 22 Ukwakira 2016.
Inkingi The Ben yishingikirije ntayindi n’indirimbo ‘Nta cyadutanya’ yakoranye na Princess Priscillah,iyi ndirimbo niyo yateye The Ben gushyirwa mu cyiciro cy’indirimbo ifite amashusho meza yahize izindi muri Afurika, ahanganye n’abahanzi bakomeye Diamond Platnumz(Utanipenda), Eddy Kenzo, Joh Makini ft AKA , Ommy Dimpoz (Achia Body) ndetse na MC Galaxy (Hello).
Ibihembo bya African Entertainment Awards USA bitangwa ku bahanzi bo muri Afurika bakoze neza kurusha abandi, hakarebwa ibyiciro bitandukanye ku bakorera umuziki ku Mugabane wa Afurika ndetse no hanze yawo,ibi byose bigakorwa hagamijwe guteza umuziki wa Afrika imbere.
and then