Teta Sandra na Vanessa Uwase bateguye ikirori kidasanzwe bise ‘’Industry Night’’

Sandra Teta umaze kwigaragaza mu myidagaduro (showbiz) yo mu Rwanda afatanyije n’igisonga cya mbere cya nyampinga w’u Rwanda wa 2015 Vanessa Uwase bateguye igitaramo kidasanzwe cyiswe “Industry Night”.

Iki gitaramo kikazaba gifite intego yo guhuza abantu bagira aho bahurira n’imyidagaduro mu Rwanda mu nzego zitandukanye .Iki  gitaramo kizabera Aloha i Nyaraturama ku itariki ya 27 Gicurasi 2016.

Teta yavuze ko intego y’iki gitaramo ari uguhuza abantu (Connect Party) b’ibyamamare nk’abakinnyi b’umupira, w’amaguru, uw’intoki, abakinnyi ba filimi, abanyamakuru ndetse n’abahanzi.

Ibintu by’ingenzi bizabera muri iki gitaramo ni uguhemba no gushimira abantu bakoze ibikorwa by’indashyikirwa muri siporo, filimi, itangazamakuru , Aba Dj n’abandi bose bagiye bagira uruhare mu kugira ngo imyidagaduro mu Rwanda irusheho gutera imbere.

Vanessa Uwase igisonga cya mbere cya nyampinga w’u Rwanda wa 2015 yavuze ko muri iki gitaramo azaba ari umushyushyarugamba (M C) n’aho uwitwa Aime Chrispin Nsengiyumva akazabafasha kohereza ubutumwa bugufi bwerekana abazahembwa muri buri cyiciro.

Seyi Alusak IM uhagarariye sosiyeti yitwa Growrthy avuga ko azafasha Miss Teta Sandra kwamamaza iki gikorwa.

Abahanzi bazarirmba muri iki gitaramo ni babiri , ariko bazatangazwa ku munsi w’ejo n’aho Dj akaba ari Dj Miller.

Comments

0 comments