Rya urunyanya rumwe ku munsi rukurinda indwara y’umutima

sibye urunyanya, abo mu bihugu byacu babona bitagoranye cyane, hari ibinini bikoze cyane mu bigize itomati bifasha mu kurinda indwara z’imitsi iganisha ku mutima.

Nkuko byemejwe n’abahanga bo muri kaminuza ya Cambridge (UK) bavuga ko mu bushakashatsi bakoze kuri ibi binini, basanze birimo ibyitwa ‘lycopene’.

Lycopene ari nayo ituma ngo urunyanya ruba umutuku byemezwa kandi ko ituma imitsi yo ku mutima itajyaho ibinure ngo ibe yabyibuha bityo amaraso ntagende neza.

Mu bushakashatsi bakoze, abarwayi banyoye ibi binini byasohotse mu mpera z’umwaka ushize, ndetse n’abafunguraga inyanya mbisi buri munsi mu gihe cy’amezi atatu, ubuzima bw’umutima wabo bwagiye burushaho kumera neza.

Umutima cyangwa indwara ziturutse ku mitsi y’umutima zivugana abantu benshi cyane buri mwaka ku Isi, ndetse ngo hari na benshi mu bihugu bimwe na bimwe batamenyako ariwo bazize.

Buri kinini kimwe muri ibi binini bitaragera ino iwacu, ngo kinganya imbaraga no kuba warya 1kg y’inyanya mbisi, ariyo mpamvu ku batabasha kubona ibi binini gufata urunyanya rubisi nibura buri munsi bifasha cyane umutima wawe kubaho neza.