Connect with us

Reba uko umufasha wa Donald Trump yavumbuweho gukopera Michelle Obama!

Featured

Reba uko umufasha wa Donald Trump yavumbuweho gukopera Michelle Obama!

Melania Trump, umugore wa Donald Trump wiyamamariza Kuyobora Leta Zunze Ubumwe za Amerika arashinja kwiyitirira amagambo yanditse mu mbwirwaruhame yavuzwe na Michelle Obama,umugore wa Perezida Obama.

Mu ijambo Melania Trump yagejeje ku bitabiriye inama rusange y’Ishyaka ry’aba-Republicains ku uri uyu wa Mbere, bamwe bavuze ko agace k’ijambo rye kari mu mbwirwaruhame Michelle Obama yavugiye mu nama rusange y’Ishyaka ry’Aba-democrates mu 2008 ubwo perezida Obama yiyamamazaga,ibintu bavuze ko ari ugukopera.

Muri ijo ryambo ritavuzweho rumwe, harimo insangamatsiko zo kudaheza, kugira ukuri no gukora cyane.

Melania Trump yahakanye kwigana ijambo ritari irye ahamya ko ari we ahanini waryiyandikiye nubwo hari ubufasha buto yahawe.

Abafasha umugabo we mu bikorwa byo kwiyamamaza bavuze ko ijambo rye ntaho rihuriye n’irya Michelle Obama ndetse ko ryateguwe n’itsinda ry’abanditsi bagenewe kwandika imbwirwaruhame.

Mu gace kamwe k’ijambo ry’umugore wa Trump hari aho agira ati“ Ababyeyi banyigishije indangagaciro z’uko ukorera cyane icyo ushaka mu buzima; ko amagambo yawe ari cyo gishoro cya mbere, ukora ibyo uvuze kandi ukazirikana isezerano ukubaha abantu.”

Naho mu gace kamwe k’imbwirwaruhame ya Michelle Obama ya 2008 we ati “Nakuriye mu muryango w’abafite indangagaciro nk’izi, ko ukorera cyane icyo ushaka mu buzima, ko ijambo ryawe ari cyo gishoro cya mbere, kandi ko ukora icyo wavuze ko ugiye gukora, ko wubaha abantu nubwo waba utabazi cyangwa utemeranya na bo.”

Aganira na CNN,Umuyobozi w’ibikorwa byo kwiyamamaza bya Trump,Paul Manafort,yagize ati “ hari amagambo amwe n’indangagaciro byakoreshejwe, kandi Melanie yita ku muryango we.Gutekereza ko yari gusubiramo iby’abandi azi uburyo ijambo rye ryari bugenzurwe mu by’ukuri nta shingiro bifite.”

Jason Miller, Umujyanama ushinzwe itumanaho wa Trump, yagize ati” Mu kwandika ijambo rye, ikipe y’abanditsi yangendeye ku byo yagiye akuraho amasomo mu buzima ndetse n’ibitekerezo bye.”

Gusa ibi ntibyabujije abantu batandukanye kwandika ku mbuga nkoranyambaga banenga Trump n’itsinda rye kubura ubunyamwuga mu bikorwa byo kwiyamamaza.

Umuyobozi wa Komite y’ Ishyaka ry’aba-Republicains, Reince Priebus, ntiyigeze anenga umugore wa Trump, gusa yavuze ko ashobora kwirukana uwanditse ijambo rye ryakuruye impaka.

Mu nama y’Ishyaka ry’aba Republicains banenze Hillary Clinton wabaye Umunyamabanga wa Leta, kuri ubu uhanganye na Trump mu matora ya Perezida ahagarariye ishyaka ry’aba -Democrates.

Amatora ya Perezida wa Leta Zunze Ubumwe za Amerika ateganyijwe mu Ugushyingo uyu mwaka.

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Kontrola by Amalon

By August 23, 2019

indirimbo

Uzamvuganire by Naason Dream Boyz

By August 23, 2019

indirimbo

Vazi by The Ben

By August 23, 2019

indirimbo

Ikibazo cyawe by Amag the black

By August 22, 2019

Facebook

To Top