Connect with us

Inkuru rusange

Reba icyo Imana yavuze ku babana bahuje ibitsina (Bibiliya)

Published

on

Uko iminsi ishira indi igataha ababana bahuje ibitsina bagenda biyongera ku Isi ndetse bakigaragaza mu ngeri zinyuranye z’ubuzima nubwo abenshi babifata nk’amahano cyangwa nk’ibikorwa bihabanye n’umuco wa muntu.

 

Amagambo abiri akunda gukoreshwa ku babana bahije ibitsina ni aba “Lesbian” abagore ndetse n’aba “Gay” iyo ari abagabo. Bateye imbere mu bihugu byo mu Burengerazuba bw’Isi ariko ku migabane nk’Afurika na Aziya baracyahabwa akato gakomeye.

Benshi banga ababana bahuje ibitsina urunuka ndetse no mu bihugu byinshi bakunda kubareba iryica ingwe. Gusa hari amwe mu magambo ya Bibiliya agira icyo avuga ku babana bahuje ibitsina ndetse n’uko ku Isi bakwiye gufatwa.

Abemera Imana bavuga ko aricyo cyatumye Imana irimbura Sodoma na Gomora. Bagifata nk’icyaha cy’indengakamere ndetse kigaragaza ibimenyetso by’imperuka.
Ubundi Imana yaremye umugabo ibona akeneye umugore ngo babyare bororoke ndetse buzure Isi ariko ntiyigeze irema abantu mu buryo bazabana bahuje ibitsina.

Mu bitabo bitandukanye muri Bibiliya harimo Intangiriro 1:27, 28; Abalewi 18:22; Imigani 5:18, 19; hagaragara ko Imana yateganyije ko umugabo n’umugore aribo bonyine bagomba gukora imibonano mpuzabitsina mu buryo butandukanye. Ibyo bikubiyemo guhuza ibitsina, gukorakora imyanya ndangagitsina y’undi muntu n’ibindi.
Umuntu avukana icyifuzo cyo kuryamana n’uwo bahuje igitsina?

Nubwo Bibiliya itavuga ku bijyanye n’imiterere n’ibyifuzo by’abana bahuje ibitsina igaragaza ko imibiri akenshi iba irangamiye ibihabanye n’ibyo Imana yifuza ku muntu (Abaroma 7:21-25).

Gusa Bibiliya yagiye yamagana ibi bikorwa by’ababana bahuje ibitsina ndetse ivuga ko bizaba mu minsi y’imperuka.

Washimisha Imana uri umutinganyi?

Nk’uko akanyamakuru ‘Réveillez vous’ kabivuga, ngo Imana yavuze ko yanga icyaha ariko ko itanga Abanyabyaha,benshi bibaza ko iyo kubana nuwo muhuje ibitsina uba uri gukora ibyangwa n’amaso y’Imana bityo nawe ikaba itakwishimira.

Gusa hari ibyo wakora ngo Imana ikwishimire cyane wirinda ibyo Imana yanga nkuko Bibiliya ibivuga iti “ntimugategekwe n’imibiri yanyu. Mwice irari iryo ari ryo ryose ku birebana n’imibonano mpuzabitsina idakwiriye” (Abakolosayi 3:5)”

Gusa kugira ngo wice ibyifuzo bibi ari na byo bituma ukora ibikorwa bibi, uba ugomba kugenzura ibyo utekereza. Nuhoza mu bwenge bwawe ibitekerezo byiza, ibyifuzo bibi na byo bizagenda (Abafilipi 4:8; Yakobo 1:14, 15).

Nubwo mu mizo ya mbere bishobora kugusaba guhatana, amaherezo uzabigeraho. Imana isezeranya ko izagufasha ‘guhindurwa mushya mu mbaraga zikoresha ubwenge bwawe.’-Abefeso 4:22-24.

Uko washimisha Imana nubwo waba urarikira abo muhuje igitsina

Hari abantu benshi bagira icyifuzo cyo kuryamana n’abo bahuje ibitsina ariko harimo ababa bashaka kubaho mu buryo bubahisha Imana bujyanye na Bibiliya, bakomeza kwirinda nubwo baba bahanganye n’ibishuko byinshi.

Mu bafite irari ry’abo bahuje ibitsina harimo abatarashaka kandi badafite icyizere cyo kubona uwo bazashakana. Hari n’abafite abo bashakanye ariko badashobora gukora imibonano mpuzabitsina.

Nubwo abantu nk’abo baba badashobora kwimara irari ry’ibitsina, babana neza bishimye. Abaryamana n’abo bahuje igitsina na bo bashobora kwigana abantu nk’abo, niba mu by’ukuri bashaka gushimisha Imana (Gutegeka kwa Kabiri 30:19)

Advertisement
1 Comment
Subscribe
Notify of
guest
1 Comment
Oldest
Newest Most Voted
Inline Feedbacks
View all comments
trackback

[…] Ni cyo cyatumye Imana ibareka ngo bakurikize ibyo imitima yabo irarikiye, bakor ibiteye isoni bononane imibiri yabo, 25.kuko baguraniye ukuri kw’Imana gukurikiza ibinyoma, bakaramya ibyaremwe bakabikorera kubirutisha Imana Rurema, ari yo ishimwa iteka ryose, Amen. 26.Ni cyo cyatumye Imana ibarekera kurarikira ibyonona, ndetse bigeza ubwo abagore babo bakoresha imibiri yabo uburyo bunyuranye n’ubwo yaremewe. 27.Kandi n’abagabo ni uko, bareka kugirira abagore ibyo imibiri yabo yaremewe, bashyushywa no kurarikirana. Abagabo bagirirana n’abandi bagabo ibiteye isoni, bituma mu mibiri yabo bagarurirwa ingaruka mbi ikwiriye kuyoba kwabo. 28.Kandi ubwo banze kumenya Imana, ni cyo cyatumye Imana ibareka ngo bagire imitima yabaye akahebwe bakora ibidakwiriye. 29. Buzuye gukiranirwa kose n’ububi, no kurarikira n’igomwa, buzuye n’ishyari n’ubwicanyi, n’intonganya n’ubugambanyi no gukina ku mubyimba, no gusebaniriza mu byongorerano, 30.n’abatukana, n’abanga Imana n’abanyagasuzuguro, n’abirarira n’abahimba ibibi, n’abatumvira ababyeyi 31.n’indakurwa ku izima, n’abava mu masezerano n’abadakunda ababo n’intababarira, 32.nubwo bamenye iteka ry’Imana yuko abakora ibisa bityo bakwiriye gupfa, uretse kubikora ubwabo gusa bashima n’abandi babikora.  “ Birakwiye ko uhinduka kandi ugahindura abandi niba hari abo uzi bayobotse ubugomeramana bwiganjemo ubutinganyi no kwihindura uko imana itabaremye,niba wifuza kumenya byinshi kubyo Imana ivuga ku babana bahuze ibitsina soma n’iyi nkuru”Nicyi bibiliya ivuga ku batinganyi? […]

Advertisement

Inkuru zikunzwe

error: Content is protected !!
%d bloggers like this: