Reba hano imodoka ihenze yahawe Sugira Ernest

Umunyarwanda Sugira Enest uherutse kugurwa akayabo k’amafaranga y’u Rwanda arenga miliyoni ijana akerekeza muri Repubulika Iharanira Demokarasi ya Kongo aho yagiye gukinira ikipe ya AS Vita Club, yamaze guhabwa imodoka nshya azajya agendamo mbere y’uko yerekwa abafana n’abakunzi b’umupira w’amaguru muri iki gihugu.

Sugira Ernest; umukinnyi w’ikipe y’igihugu Amavubi wahoze anakinira ikipe ya AS Kigali, nyuma yo kwigaragaza cyane no kwerekana ubuhanga budasanzwe mu mikino ya CHAN 2016, mu mikino ya shampiyona y’u Rwanda n’indi itandukanye yakinnye,muri Gicurasi uyu mwaka nibwo yaje kugurwa n’ikipe ya Vita Club; imwe mu makipe akomeye muri Repubulika Iharanira Demokarasi ya Kongo.

Sugira Ernest yemeye kwerekeza muri iyi kipe yo mu gihugu cy’abaturanyi nyuma yo gutangwaho akayabo k’ibihumbi ijana na mirongo itatu by’amadolari (130.000$), ni ukuvuga arenga miliyoni ijana uyabaze mu mafaranga y’u Rwanda.

Uretse gutangwaho aya mafaranga kandi akaba anahembwa agatubutse, uyu musore w’umunyarwanda yagaragarijwe agaciro ahabwa muri iyi kipe, maze mbere gato yo kwerekwa abafana ahabwa imodoka nshya kandi ihenze azajya agendamo yo mu bwoko bwa Mercedes Benz