Kuvuga ko Jose Mourinho  yasinye nk’umutoza mukuru mu ikipe ya Manchester United ni inkuru ishaje mu matwi ya benshi ariko kuvuga ko Jose yifuza Paul Pogba,Saul Niguez, ndetse na Rio Ferdinand wahoze akinira iyi kipe abenshi bita amashitani atukura,ni bishya kuri wowe

Nk’uko umunyamakuru  Duncan Castles yabyanditse mu kinyamakuru Sunday Times ngo Mourinho arifuza Paul Pogba,ukina hagati ya Yuventus,Paul w’imyaka 23 kandi ngo yiteguye gusohoka mu Butaliyani abahe rwe ba Manchester nibaramuka bamwifuje.

Mourinho kandi arashaka ko Man u yikora mu mufuka maze ikazana  Saul Niguez  umukinnyi ukina hagati ha Atlético Madrid ,nk’uko  bitatunguye buri wese wabisomye mu kinyamakuru dailystar ,Saul w’imyaka 21 arasaba miliyoni 54 z’amadolari kugira ahaguruke i Madrid  agane i Old Trafford.Mourinho kandi ngo arifuza ko Man U yagarura Rio Ferdinand wahoze akina nka myugariro w’iyi kipe ,Jose ngo yamaze kubisaba Rio ariko Rio ntabwo arafata icyemezo gusa ngo agarutse kuri Jose byaba ari ikintu gikomeye kuko yifuza ko abakinnyi bumva ko begerewe n’umuntu wigeze gukinira ikipe kandi uyifite ku mutima,mbese basangiye icyerekezo.