Reba amafoto utabonye mu gikombe Real Madrid yaraye yegukanye kiruta ibindi i Burayi

Real Madrid yegukanye igikombe kiruta ibindi ku mugabane w’u Burayi itsinze Sevilla ibitego 3-2 nyuma yo kurangiza iminota 90 amakipe yombi anganya ibitego 2-2 hakitabazwa iminota y’inyongera.Mu mukino wa ‘UEFA Super Cup’ wakinwe ku mugoroba wo kuri uyu wa Kabiri ku kibuga Rosenborg’s Lerkendal Stadium muri Norvège, Real Madrid yikuye mu nzara za Sevilla bigoranye ku bitego 3-2 nyuma yo gukina iminota 120.

Real Madrid kuri Lerkendal Stadion

Real Madrid itozwa n’Umufaransa Zidane Zinedine niyo yabanje gufungura amazamu ku munota wa 21 ku gitego cya Marco Asensio ariko mbere yo kujya kuruhuka ku munota wa 41 Franco Vazquez aracyishyura, igice cya mbere kirangira amakipe yombi anganya igitego 1-1.

Mu gice cya kabiri, ku makosa ya kapiteni Sergio Ramos wakoreye ikosa Vitolo mu rubuga rw’amahina, umusifuzi yatanze penaliti Yevheniy Konoplyanka ayinjiza neza ku munota wa 72.

Nyuma yo kubona ko bikomeye, Zidane wari wabanje abakinnyi bakomeye hanze ndetse Cristiano Ronaldo na Gareth Bale batari no mu bakinnyi 18, yakoze impinduka yinjiza Karim Benzema, Luka Modric na James Rodriguez bagerageza uburyo bushoboka bwose ariko biranga.

Ku munota wa 90, kapiteni Ramos yakoze ibyo asanzwe amenyereweho yanakoze i Lisbon muri 2014 ku mukino wa nyuma wa champions League atsinda igitego ku munota wa nyuma cyatumye ikipe ye ijya mu minota y’inyongera.

Nk’uko 2014 batsinze Atletico Madrid mu nyongera bakegukana Champions league ya 10, ni nako ku mugoroba wo kuri uyu wa Kabiri batsinze Sevilla begukana Uefa Super Cup ya gatanu ku gitego cya gatatu cyatsinzwe na myugariro Daniel Carvajal ku munota wa 119 habura umunota umwe ngo bajye muri penaliti.

Dani Carvajal nyuma yo gutsinda

Sergio Ramos n’igikombe mu ntoki

Gareth Bale nawe yarebeye umukino iwe mu rugo

Sergio Ramos na Zidane bishimira igikombe

Casemiro Vs Franco Vázquez

dani-carvajal nyuma yo gutsinda igitego cy’intsinzi

Comments

0 comments