Mu gihe hashize igihe kirenga ukwezi championat zitandukanye zo ku mugabane w’Uburayi zarasubitswe, amakipe menshi ndetse na championat muri rusange zikomeje guhomba amafaranga menshi bitewe nuko nta match ziri gukinwa muri iyi minsi, ndetse akaba ari nayo mpamvu amakipe akomeje kwinginga abakinnyi bayo ngo bigomwe imishahara yabo (uregero nka Cristiano Ronaldo yahebye umusahara ugera kuri miliyoni 10 z’amayero kubera icyorezo cya CoronaVirus).
Ikinyamakuru cyo mu bwongereza cyitwa LearnBonds , kikaba cyashyize ahagaragara amafaranga atandukanye championat ndetse n’amakipe akomeye bizahomba kubera iki cyorezo cya CoronaVirus.
Ku mwanya wa mbere hakaba haza Premier League bitenanijwe ko byose hamwe izahomba miliyari imwe na miliyoni 280 z’amayero igakurikirwa na La Liga yo ibarirwa ko izahomba asaga miliyoni 970 z’amayero, Bundesliga yo bikaba biteganijwe ko izahomba miliyoni 790 z’amayero naho Serie A yo ni miliyoni 700, Ligue 1 bikaba miliyoni 400 z’amayero.
Ku ruhande rw’amakipe ho Manchester City niyo iza ku mwanya wa mbere n’igihombo kibarirwa muri miliyoni 412 z’amayero, Fc Barcelone ikayikurikira n’igihombo kibarirwa muri miliyoni 366 z’amayero, Liverpool n’igihombo cya miliyoni 353, Real Madrid nayo na miliyoni 350 z’amayero, PSG ku mwanya wa gatanu na miliyoni 302 z’amayero.
