Queen Cha yasohoye indirimbo nshya yise “Umunyamahirwe”

Umuhanzikazi Queen Cha yamaze gushyira hanze indirimbo ye nshya yise “ Umunyamahirwe”, indirimbo ije ikurikira amashusho y’indirimbo ye Alone aherutse gushyira hanze mu minsi ishize.iyi ndirimbo nshya ya Queen ikaba ije ihamya ko yamaganiye kure ubunebwe akunze gushinjwa n’abakurikiranira hafi ibya muzika nyarwanda.

Queen Cha ni umuhanzikazi wagiye ukundwa mu ndirimbo nyinshi zinyuranye harimo nizatumye yamamara nka Kizimyamwoto yakoranye na Safi, Icyaha ndacyemera, windekura, isiri, umwe rukumbi n’izindi nyinshi zatumye uyu mukobwa aza k’urutonde rw’abahanzikazi bamamaye muri muzika nyarwanda.

https://www.youtube.com/watch?v=Cd3au_K7YYY

“Umunyamahirwe” ni indirimbo yakozwe na Pastor P, ni indirimbo ituje y’urukundo igaruka ku magambo aryoheye amatwi y’abantu bakunda.  Iyi ndirimbo ije nyuma y’amashusho ya  Alone ari intangiriro yo gukora ataruhuka agarukanye nyuma y’umwanya munini yafashe yiga uko yakora muzika ye.