Connect with us

Imyidagaduro

Producer Eleeeh yavuze uko Bruce Melodie yamuhinduriye ubuzima anavuga ku bijyanye n’abakobwa benshi bamukunda (VIDEO)

Published

on

Mugisha Fred Robinson wamenyekanye ku mazina ya Eleeeeeh kubera indirimbo zitandukanye nyinshi yakoze zigakundwa na benshi yavuze byinshi ku buzima bwe. Ni mu kiganiro yagiranye na CHITA MAGIC TV aho yavuze ukuntu kera yari afite inzozi nyinshi zirimo kuba umusirikare kuko Papa we yari umusirikare, kuba umuganga n’izindi nyinshi. Eleeeh yavuze ko yaje kwisanga mu muziki nyuma dore ko akiga mu mashuri yisumbuye ubusanzwe yakundaga gukina umupira aho ndetse yari umwe muri ba rutahizamu akina ku mwanya wa 9. Eleeeh yavuze ko yaje kugeraho akisunga umunyeshuri wigaga mu mwaka wa 6 (mu gihe we yigaga mu wa 1 ) akamwigisha guitar niko gukunda umuziki gutyo. Eleeeh yavuze ko kuri ubu azi gucuranga ibicurangisho bya muzika bibiri aribyo guitar ndetse na piano gusa avuga ko arimo no kwiga violet.

Producer Eleeeh

Eleeeh yakomeje avuga no ku ndirimbo ya mbere yakoze ariyo Henzapu avuga ko yayikoze ku munsi ubanziriza uwo abanyarwanda bashyizwe muri guma mu rugo mu rwego rwo kwirinda icyorezo cya Covid-19. Eleeeh yavuze ko ashimira Bruce Melodie cyane kuko niwe wa mbere yakoreye indirimbo igasohoka ndetse n’izindi zose yamukoreye zarakunzwe bituma amuzamurira izina. Eleeeh abajijwe ku bijyanye n’icyo yakuye mu muziki yavuze ko yungukiyemo inshuti nyinshi zimugira inama nziza ndetse anavuga ko mu bijyanye n’amafaranga nabwo birimo biragenda biza. Ku bijyanye no kuba afite umukunzi, Eleeeh yavuze ko kuri ubu nta mukunzi afite nubwo akunze kugaragara ari kumwe n’abakobwa benshi bamukunda baba baje kumusura aho akorera ndetse bakanahifotoreza, avuga ko gusa kugira umukunzi byizana, isaha n’isaha yaza gusa avuga ko kuri ubu umwanya afite yawuhariye akazi akora ariko ka production.

Advertisement
Click to comment
Subscribe
Notify of
guest
0 Comments
Inline Feedbacks
View all comments
Advertisement

Ibitekerezo biheruka

Advertisement

Inkuru zikunzwe

error: Content is protected !!
%d bloggers like this: