in ,

Nyuma y’urupfu rwa nyirabukwe, Diamond yatanze ubutumwa butashimishije abafana be (burebe hano)

Nyuma y’uko nyina w’umuherwe Zari yitabye Imana kuri uyu wa Kane, tariki 19 Nyakanga, Diamond yashyize hanze ubutumwa bwo kwifuriza nyirabukwe kuruhukira mu mahoro gusa abafana be ntibishimiye ubwo butumwa.

Ubu ni bwo butumwa bwa Diamond.

Diamond abinyujije kuri instagram yashyizeho ifoto ya nyirabukwe iherekejwe n’amagambo yifuriza uwo mukecuru wapfuye kuruhukira mu mahoro aho yagize ati:” Mwenyez Mungu ailaze Roho yako Mahali Pema Peponi Amini..” Bishatse kuvuga ngo ” Imana ishobora byose ishyire ubugingo bwawe ahantu heza mu Ijuru,Amen…” Bamwe mu bakurikira uyu muhanzi kuri instagram bakaba bahise bagaragaza ko batishimiye ubu butumwa, aho bagendaga bandika muri comments ko ubu butumwa nta magambo yo guhumuriza arimo ,dore ko bari biteze ko ashyiramo amagambo yo gufata mu mugongo umugore we Zari uri mu gahinda gakomeye ko kubura umubyeyi we.Ikindi bakomeje kugarukaho ni uko bamwe bavugaga ko kuva nyirabukwe yarwara akaremba Diamond atigeze ashyira hanze ikimenyetso kigaragaza ko nibura yifatanyije n’umugore we Zari cyangwa ngo anasure Nyirabukwe aho yari arwariye muri Uganda, bigatuma bavuga ko yishushanya nk’umuntu mwiza(pretender) kandi atari ko biri. Kuri ubu Ikibazo gikomeje kwibazwa nanone ni ukumenya niba Diamond azitabira imihango yo gushyingura nyirabukwe, dore ko ubwo uwahoze ari umugabo wa Zari ,Ivan Ssemwanga yapfaga Diamond atahagaragaye ibintu byateye impaka ndende, benshi bakemeza ko aba bombi nta rukundo bagifitanye.

Report

Comments

Shyiraho igitekerezo

Loading…

0

What do you think?

146 Points
Upvote Downvote

Isomere ibyo uwahoze ari umukunzi wa Usher yatangaje kubyo Usher amaze igihe avugwaho

Isomere impamvu nyamukuru ziri gutuma Neymar Jr ava mw’ikipe ya FC Barcelone