in ,

Nyuma yo gusinya amasezerano muri Chelsea, Alvaro Morata yatanze ubutumwa bukomeye bwatunguye abafana ba Real Madrid( burebe hano)

Nyuma y’uko ikipe ya Chelsea itangaje ku mugaragaro ko yasinyishije Alvaro Morata wakiniraga Real Madrid kuri uyu wa gatanu tariki ya 21 Nyakanga ,kuri ubu uyu musore  yahise agenera Real Madrid ubutumwa bwakoze benshi ku mutima.

Alvaro Morata yabaye umukinnyi wa Chelsea bidasubirwaho.

Nk’uko Metro dukesha iyi nkuru yabyanditse ngo Alvaro Morata wasinye amasezerano y’imyaka itanu nyuma yo kugurwa akayabo ka £7.6 millioni ,abinyujije ku rukuta rwe Twitter Morata yatangaje ko avuye mu rugo ko ndetse atazibagirwa iyi kipe yamureze anayishimira ku byo yamugejejeho byose mu gihe cyose yayimazemo ndetse anongeraho ko yifuza ko buri wese akwiye kumva neza ko icyemezo yafashe cyo kuva muri Real Madrid  yagitekerejeho cyane mbere yo kugifata. Morata yagize ati :“Uyu munsi ni umunsi udasanzwe ,ndumva mfite byinshi byo kuvuga hari amarangamutima n’ibihe byiza nagize biri mu mutwe wanjye aka kanya.Ndangije urugendo rwa kabiri nari natangiye muri Real Madrid ubu ntangiye ubuzima bushya,Ndabizi ko hari bamwe bababajwe n’icyemezo nafashe gusa icyemezo cyafashwe kandi nagitekerejeho neza.Mvuye mu rugo kuko ni ko niyumvaga iyo nabaga ndi muri Real Madrid.Ngiye mfite umutima utanshira urubanza kuko natanze ibyo nari mfite buri munota wose nakinnye nambaye umwenda wayo kandi nishimiye ibihe byiza twagize umwaka ushize ubwo twatwaraga ibikombe 2 bikomeye aho ntekereza ko yaba njye cyangwa abafana ba Real Madrid batazawibagirwa. Ndashimira ikipe ya Real Madrid kuba yarangize uwo ndi we ubu.Ndashimira abatoza bose, abakinnyi bose twakinanaga ndetse ndashimira perezida w’ikipe kuba yarumvise neza intumbero yanjye ndetse agashyigikira umwanzuro nafashe.Ndashimira cyane mwese abafana kuko ubwo nagarukaga mu ikipe mwatumye numva nkunzwe kandi mfite agaciro”.

Written by Jean

Subscribe
Notify of
guest
0 Comments
Inline Feedbacks
View all comments

Neymar yamaze kubwira bagenzi be iby’akazoza ke muri Fc Barcelona birabatungura

Dore amafoto y’abanyarwandakazi beza cyane yabiciye bigacika kuri Instagram muri iki cyumweru