Nyuma y’impanuka ikomeye ya Aguero, ikipe ya Manchester City ihuye n’akandi kaga gakomeye

Mu nkuru yacu iheruka Rutahizamu ukomeye w’ikipe ya Manchester City yakoze impanuka iteye ubwoba Imana ikinga ukuboko(Amafoto), nibwo twabagejejeho inkuru yuko Sergio Aguero yakoze impanuka izamumaza amezi abiri hanze y’ikibuga nyuma yo gukomereza umunwa n’ururimi. Kurubu rero siwe wenyine kuko nundi mukinnyi ukomeye w’iyi kipe myugariro Benjamin Mendy agiye kumara igihe kirekire hanze y’ikibuga ku mpamvu z’imvune.

Amakuru dukesha ikinyamakuru The Telegraph aravuga ko uyu myugariro wa Manchester City Benjamin Mendy ashobora kumara amezi hagati y’atandatu n’icyenda hanze y’ikibuga bitewe n’imvune yagize mu ivi ku mukino Manchester City yatsinze Crystal Palace 5-0. Ibi nabyo bikaba ari inkuru mbi ku ikipe ya Manchester City gutakaza abakinnyi babiri babanzamo icyarimwe.