Connect with us

Hanze

Nicki Minaj yagaragarije isi yose ko atwite undi mwana (amafoto)

Published

on

Advertisements

Mu minota mike cyane ishize umuhanzikazi Nicki Minaj amaze gushyira hanze amafoto ye agaragaza ko atwite umwana we w’imfura. Ikinyamakuru Mirror Online dukesha iyi nkuru cyatangaje ko Nicki Minaj ariwe washyize hanze amafoto amugaragaza atwite umwana we w’imfura. Aya mafoto  Nicki Minaj yashyize kuri page ye ya instagram yari yambaye umwambaro wa bikini.

Biravugwa ko Se w’umwana Nicki Minaj atwite ari umugabo we uzwi ku izina rya Kenneth Petty.

Nicki Minaj n’umugabo we, Kenneth Petty

 

 

Advertisements
Komeza usome
Advertisement
Click to comment

Comment

Amateka

ANABASIS THE TEN THOUSANDS MARCH IGICE CYA MBERE

Published

on

Advertisements

“Thalassa! Thalassa!” ni amagambo cyangwa ukwiyamira abantu bakoresha iyo babonye ibibazo byari bibazonze cyangwa se bibazengereje bigana ku ndunduro. Ni ijambo ry ikigereki risobanura inyanja. Muri iyi nkuru yacu turagaruka ku nkomoko yaryo turebera hamwe urugendo rw ingabo ibihumbi cumi (10 000) b abacancuro b’ abagereki, urugendo rwamamaye cyane mw isi babikesha inyandiko za General Xenophon w umunyatene (Athens) mu nyandiko yise “ANABASIS” bisobanura “The March up” cyangwa se “The march upcountry” ahandi bakayita “ANABASIS-Kyron” bisobanura “Up country march of Cyrus ” ibi byose ugenekereje mu Kinyarwanda bishaka kuvuga ngo urugendo rwerekeza mu majyaruguru y igihugu. Aba barwanyi bisanze bari mu birometero ibihumbi byinshi kure y iwabo inyuma y imirongo y umwanzi hazwi nka behind enemy lines, bagatangira urugendo rwagaragaje bidasubirwaho ubuhangange bw igisirikare mu Bugereki  bakanataha expedition yamaze imyaka ibiri kuva ahagana 401-399 mbere ya Yezu.

Ubugereki kuva kera igihugu gifatwa nk umubyeyi wa demokarasi mw isi, cyari igihugu kigizwe n ama leta yigenga agahora mu ntambara bapfa ubucuruzi, umusaruro cyangwa imipaka. Aba bari barahanganye imyaka myinshi gusa imijyi yari ikomeye kandi ishyamirana cyane yari Sparta na Athens , ariko iyo umwanzi yaturukaga hanze ibi byo kutumvikana kwabo babishyiraga hasi bakamurwanya bivuye inyuma nk abagereki bigashimangirwa na coalition yiswe the Hellenic League yarwanyije abamedi n abaperesi ubwami bw abami bwari igihangange muri ibyo bihe buyobowe n umwami Xerxes I ahagana muri 480 BC bakahatsindira abamedi n abaperesi.

Abagereki bari abarwanyi kabuhariwe, bamenyereye intambara bitewe nuko ku myaka yabo 13, watandukanaga n umubyeyi ukajyanwa mu ishyamba ryuzuye amasimbi ubundi ugatozwa uburwanyi aho wahanganaga n inyamaswa z inkazi ukazica cyangwa ukahagwa wamara gukura ukaba umuturage usanzwe ugahinga cyangwa ukorora kugeza aho intambara zongeye kubura mu gihugu rwagati, nuko rero mukegura intwaro zanyu ubundi mukajya kurwanira umujyi wanyu. Gusa ibi byakorwaga buri mugereki ari umugabo wigenga, bakagira ababahagarariye nk abadepite cyangwa abasenateri bo muri ibi bihe byacu. Abagereki bari bariremeye igisirikare ntagereranywa nk aba hoplites bari abarwanyi b ababgereki bari ikizwi nka heavy infantry cyangwa abarwanira ku maguru bambaye ingofero z ibyuma zikingira umutwe, ibyuma bikingira agatuza ndetse n ibyuma bikingira amaguru yabo banitwaje amacumu ndetse n ingabo zibakingira, bari igisirikare cyabigize umwuga barwanira muri military formation ya phalanx aho bakoraga imirongo migari ya rectangle aho bashyiraga ingabo zabo imbere zikamera nk umutamenwa utanyeganyega ubundi bakegera abanzi babo babahuranyisha amacumu mu gihe umwanzi we ntahantu abonera ho kubamenesha ikindi cyisumbuyeho bari bihariye muri icyo gihe kandi baranahembwaga.

Abandi bari aba peltast benshi baturukaga muri Thrace na Romania) iri zina bakarikomora kuri Pelte ingabo bakoreshaga. Aba ba peltast baranyarukaga mu rugamba cyangwa mu ntambara kuko bo batambaraga ibyuma bibakingira ahubwo bitwazaga amacumu menshi afite uburebure bwa metero imwe.

Abandi nkuko ubugereki bwari igihugu gikora ku Nyanja, ntakabuza bari bazi gukoresha amazi nk uburyo bwo gukora intambara, ntiwibeshye na gato, abagereki bari bariremeye amato y igitangaza bari barayise Trireme. Triremis ijambo ry ikilatini risobanura “three-rower” ugenekeranyije mu Kinyarwanda bishaka kuvuga imirongo 3 y abagashyi.Ubu bwato ntibwakoreshwaga ahanini ari ubwo gutwara abarwanyi ahubwo bwonyine ubwabwo bwari intwaro ntagereranywa abagereki bari barivumburiye, bwatwarwaga n abantu hagati ya 30 na 170 bukaba bwaratwaraga  n abarwanyi b abahoplites 10 ndetse n abarashisha imiheto 4 ariko nyuma baraje kwongerwa nyuma y imyaka n indi. Mu kanya nkako guhumbya ubu bwato bwahuranyaga ubw abanzi babo bunyerera ku mazi ku muvuduko wa knots 9~10 cyangwa se bunyerera ku muvuduko wa metero 5 mu isegonda (5m/s) bikabigira ubwato bw indahangarwa aho bwabaga bufite umutwe ukozwe mu muringa cyangwa icyuma ukozwe mu nyamaswa nk ihene cyangwa izindi ku buryo yo byasekuraga ubundi bwato bwasandaraga aha yari mu binyejana bya 7~4 mbere ya Yezu. Aya mato yamamaye cyane cyane mu ntambara yashyamiranyaga abagereki n ubwami bw abami bw abamedi n abaperesi mu rugamba rwa Salamis hagati y amato ya Hellenic League n Armada y abaperesi ahagana muri 480 BC ku ngoma y umwami Xerxes I.

Ibi byose byatangiye harangira intambara yari ishyamiranyije coalitions ebyiri z abagereki zari zigizwe na Delian League iyobowe na Athens ariko ikagira indi mijyi ibarirwa hagati y i 150 na 330 irimo iyitwa nka Cimon/Kimon, Karystos yo muri Euboea, Skyros, Naxos,Thasos, n indi myinshi. Kurundi ruhande hari coalition yari iyobowe na Sparta yitwaga Peloponnesian League igizwe n imijyi nka Korinto (Corinth), Kythir, Melos, Pylos, Mantinea, Elis n indi myinshi. Iyi ntambara yabayeho kuva kera ariko iyi yo yari yarahereye muri 470s BC nyuma yuko Sparta yiyomoye kuri colition yahuzaga izi Leagues zombi bigakurura umwuka mubi. Iteka intambara zigira impamvu zazo kandi noneho zimwe zumvikana izindi zitumvikana ariko uyu munsi sibi tugarukaho. Iyi ntambara yari iciyemo ibice bitatu icya gatatu ari nacyo cyasize Athens ipfukamishijwe bidasubirwaho hafi gusenywa burundu igatwikwa abaturage bayo bakagirwa abacakara nkuko Corinth yabisabaga nk uburyo bwo guhana abanyathens bari barabaruhije cyane mu ntambara. Nyamara iki gitekerezo Sparta yaracyanze ibona ko bidakwiriye ko umugereki acuruzwa nk umucakara. Aha hagaragaramo ubugambanyi n ubufatanye no gutera inkunga k ubwami bw abami bw abamedi n abaperesi, nibwo intambara igice cyayo cya gatatu (431 – 404 BC) yarangiraga nuko abagereki batangira gucuruza ubunararibonye n ubuhanga mu ntambara mu bihugu bituranye yewe ndetse no mu Buperesi bakishyurwa barwanira uwabahamagaje amafaranga menshi yicyo gihe ndetse bagahembwa ku kwezi, aha yari mu kinyejana cya gatanu mbere ya Yezu….

Aha niho ducumbikiye igice cya mbere kuri iyi nkuru, igice cya kabiri mukazakigezwaho ku wa mbere nkuko izi nkuru zisohoka buri kuwa mbere.

Amahoro y Imana abane namwe!!

 

Advertisements
Komeza usome

Amateka

URUGAMBA RW I MEGIDDO RUZWI NK ARMAGEDDON

Published

on

Advertisements

14. kuko ari yo myuka y’abadayimoni, ikora ibitangaza igasanga abami bo mu isi yose, ngo ibahururize kujya mu ntambara yo ku munsi ukomeye w’Imana Ishoborabyose. 15. (Dore nzaza nk’umujura. Hahirwa uba maso akarinda imyenda ye, kugira ngo atagenda yambaye ubusa bakareba isoni z’ubwambure bwe.) 16. Ibateraniriza ahantu mu Ruheburayo hitwa Harimagedoni. 17. Marayika wa karindwi asuka urwabya rwe mu kirere. Ijwi rirenga rivugira mu rusengero kuri ya ntebe riti “Birarangiye!” Ibyahishuwe 16: 14-17 muri Bibiliya Yera.

intambara ikomeye, kuyumva biragoranye nkuko muri Bibiliya igitabo cyasomwe n miriyari nyinshi z abatuye isi kibivuga ku munsi w umujinya w Imana hazabaho intambara izwi kw izina rya “Harimagedoni” ijambo rikomoka mu giheburayo “Har Megiddo,” bisobanura ngo umusozi wa Megiddo wumvise uko wakumva nta bitangaje birimo nyamara mu mateka y intambara iri zina risobanura ikintu gikomeye nkuko tugiye kubibona hashize imyaka 3500.

Harimagedoni bisobanura muyandi magambo imperuka, irimbuka, uyu musozi wa Megiddo uherereye ku butaka buri mu kigobe cy abarabu ahegereye inyanja ya Mediterane mu kibaya cy i Yezereli. Aha Megiddo habereyeyo intambara nyinshi kugeza naho ari naho hakekwa cyangwa se abenshi bizerera ko hazabera intambara yanyuma izashyira akadomo ku guhangana hagati y icyiza n ikibi. Intambara zahabereye ni:

  • Intambara hagati ya Farawo wa Misiri/ Egiputa Thutmose III (wategetse1458-1425 BCE) na abanyakanani bari bigumuye kuri Misiri bayobowe n umwami w i Kadeshi ahagana mu mwaka w i 1479 BCE mbese mbere y ivuka rya Yezu mu yandi magambo mbere ya zeru.
  • Urundi rugamba rwari muri 609 BCE hagati y abanyegiputa n abayuda
  • Urundi ni urwari rushyamiranyije ubwami bw abami bw Ubwongereza n ubwami bw abami bw aba Ottoman mu 1918 aha ni mu gihe cyacu hashize imyaka 102

Uyu munsi rero turavuga ku rugamba rwashyamiranyije Farawo Thutmose III n abanyakanani bari bamwigumuyeho. Abari bahanganye bari abanyamisiri bayobowe n umwami wabo Farawo Thutmose III babarirwa mu ngabo hagati y ibihumbi 10 n ibihumbi makumyabiri (10 000- 20 000) mu gihe mubo bari bahanganye yari coalition y abanyakanani bari baturutse muri Kadesh, Megiddo, ndetse n i Mitanni bayobowe n umwami w i Kadeshi ndetse n igikomangoma cy i Megiddo bagizwe n ingabo hagati y ibihumbi cumi na cumi na bitanu (10 000- 15 000) aha ni muri Siriya.

Umwami wa Egiputa Farawo Thutmose III yarwanye intambara zisaga 14 mu myaka mirongo itanu irenga yamaze ku ngoma, impamvu urugamba rwa Megiddo ruzwi kw izina rya Harimagedoni rugarukwaho cyane mu mateka y intambara mw isi nuko ari rwo rwa mbere rwabonyweho n abatangabuhamya ndetse n abanditsi batari abasirikare barurwanye. Impamvu y intambara yatewe n ukwigumura kw abanyakanani kandi iyi mijyi yari imijyi yari ifatiye runini ubwami bw abami bw abanyegiputa kuko yari hagati mu nzira y ubucuruzi yahuzaga abanyamisiri ndetse n ubwami bugari bwabo bwageraga muri Mezopotamiya. Aha umwami wa Misiri Farawo THutmose III ntiyari kubyihanganira ahitamo gutangiza intambara kuba nyakanani ahagurutsa ingabo ibihumbi 20 asanganira abanyaanani aho bari bakambitse i Megiddo.

Nkuko bigarukwaho n umwanditsi Tjaneni wabaye muri iyo ntambara, Umwami w i Kadeshi nawe yahurije hamwe abatware b i Siriya, Aram na Canaan bajya mu ruhande rwe ngo bahangane n umwanzi wabo umwami wa Misiri amutegerereza ku mazi y i Taanach. Yumvaga ko Farawo Thutmose III azaturuka mu nzira y i Dothaim – Taanach mu kibaya cy i Kishon, Bakiva ku mupaka wabo wahitwa i Tjaru (mu kigereki havuga Sile) bahise bigarurira Gaza, nyuma yaho yerekeza i Yehem ahavuye akomeza asanga abanyakanani i Megiddo. Hanyuma yohereza abatasi ngo batate inzira yagombaga kunyuzamo ingabo ze kugira ngo abashe kugera i Megiddo. basanze hari inzira 3 gusa, mu majyaruguru hari uruhererekane rw imisozi ya Karumeri, inyuma yaho hakaba ari naho hari umujyi wa Megiddo, undi nawo wo mu majyaruguru ukaba Zefti n i Tel Yokneam mu gihe uw amajyepfo wacaga Taanach ugeza mu kibaya cya  Jezreel, uwanyuma wari uw ako kanya ariko ufite ibyago byinshi wacaga Aruna (ubu ni Wadi Ara) ariko ukaba inzira ifunganye kuburyo abasirikare be bari gukora umurongo muremure bikaba byabashyira mu byago byo gushirira rimwe mu gihe bituweho n umwanzi. Farawo amaze kwingingwa n abagaba b ingabo ze kuba bafata imwe mu nzira zoroshye ho kwishyira mu byago baca mu nzira ifunganye yahisemo kubyanga ahitamo inzira bangaga agira ati niba munsaba guca mu nzira yoroshye nta kabuza n abanzi niko batekereje none rero reka mbahinyuze mbatungure.

Niko byagenze mu mayeri y urugamba Farawo yafashe igisirikare cye akinyuza ahafunganye muri Aruna, umwami w i Kadeshi yari yasuzuguye aha Aruna atekereza ko abanyamisiri batahanyura nyamara za nzira 2 zindi azirindisha ingabo bikomeye. Ahangaha intambara yaroroshye ndetse iranihuta Farawo amaze kugera mu kibaya yahise ashinga amahema muri uwo mugoroba nuko mw ijoro apanga igisirikare cye. Bukeye mu gitondo umwami w i Kadeshi yagabye igitero ariko nyamara ntiyari yiteguye ndetse yanatunguwe kuba abanyamisiri bamugezeho. Mu mirongo y urugamba abanyamisiri bari igisirikare gihambaye kuri buri ruhande bafite amagare y intambara asaga 1000. Nkuko nababwiye intambara ntiyatinze, mu myaka y icyo gihe nirwo rugamba rwari rukomeye rwari rubayeho ako kanya abanyakanani baratsinzwe bahungira mu mujyi wa Megiddo. Farawo yagose umujyi mu gihe cy amezi arindwi kugeza aho umwami w i Kadeshi yatorotse nuko umujyi wishyira mu maboko ya Farawo.

Abanyamisiri aha bafashe amagare y intambara agera muri 924,amafarashi asaga 20 000, amatoni y ingano na seyiri,  imiheto yarigezweho icyo gihe 500 banafata imyenda y intambara isaga 200, ibimasa bisaga 1920, intama 22 500,  ndetse banafata indi mijyi yari mu kibaya cy i Yezereli byose bijya munsi y ubutegetsi bwa Egiputa. Ku ruhande rw abasirikare babanyamisiri hishwe abagera mu bihumbi bine hakomereka igihumbi mu gihe ku ruhande rw abanyakanani hishwe abagera ibihumbi umunani magana atatu hafatwa bunyago abasaga ibihumbi bitatu magana ane.

Naha nsoreje amateka y urugamba rw Megiddo urugamba rwafashe intera mu mateka y isi kugeza aho ubukana bwarwo bwatumye rufata n izina rya Harimagedoni, urugamba ruzwi muri Bibiliya nk  urugamba rwa nyuma mu mateka y isi, urugamba ruzashyira akadomo ku kibi.

Ni akagaruka amahoro y Imana abane namwe!

Advertisements
Komeza usome

Amateka

Operations Magic Carpet na Yachin

Published

on

Advertisements

Mu mateka y’ intambara mw isi haberamo byinshi kandi buri ntambara ikagira impamvu yayo yaba yumvikana cyangwa itumvikana. Operations ni ibikorwa bya gisirikare bikorwa mu ibanga mu mirongo cyangwa inyuma y imirongo y’ umwanzi bizwi mu rurimi rw amahanga nka “Behind the enemy lines” kandi nk umusirikare mukuru wateguye iyo operation ashyiraho objectives/intego ubundi n igihe ntarengwa igomba kuba byagezweho (deadline).

 

Nkuko twabisabwe n’ abasomyi, uyu munsi turagaruka kuri operations ebyiri[2] arizo Magic Carpet na Yachin. Izi zose ni operations zamaze imyaka aho zitandukanira n izibera mu ntambara zikaba zarakozwe n abayahudi bagaruraga benewabo babaga muri Leta zimwe na zimwe yanga ko babahohotera bamenye ko bari kwisuganya mu gihugu bari bamaze gusubizwa nyuma Ya jenoside yakorewe abayahudi ikozwe na Adolph Hitler n abanazi be.

Reka duhere Kuri Operation Magic Carpet yakozwe na Isirayeli ikura abayahudi muri Yemeni ikaba izwi ku izina rya “Operation On Wings of Eagles” yabaye hagati ya Kamena 1949 kugeza Nzeli 1950. Izina ryayo ryakuwe mu mirongo Ya Bibiliya mu Kuva 19:4 no muri Yesaya 40:31 ikaba yarakijije abasaga 49 000 [47 000 abayahudi bo muri Yemeni, 1500 bo muri Aden, 500 bavuye Djibouti na Erithrea, n 2000 bavuye muri Arabiya Sawudite].hari hashize igihe (muri 1947) abaturage ba Aden bishe abayahudi 82 nyuma y icyiswe “The 1947 UN Partition Plan. ” ibi byatumye iyi operation ikorwa mu ibanga rihambaye ugereranyije niyo tuza kuganiraho. Iyi operation yakozwe hifashishijwe indege inyinshi ari iz’ abongereza n abanyamerika. Igendo z indege zakozwe zari 380 zihagurukira muri Aden mu ibanga rikomeye byabaye nko kunyereza itapi mu kirere mu bwenge bwa kimuntu ni ubukonikoni buhambaye. Mu kwibuka Iki gikorwa kindashyikirwa, Hari uduce tumwe twagiye twitirirwa iyi operation nko muri Yerusalemu, Herzaliya, Kerem Ha Teimanim na Tel Aviv aho twiswe “Kanfei Nesharim” mu cyongereza ni “Wings of Eagles” ugenekeranyije mu kinyarwanda bisobanura ngo “Amababa ya Kagoma.” ibi bikaba byarayigizwe imwe mu zihambaye kuko yakozwe nta wurabutswe Kandi vuba.


Mugihe Operation Yachin/Yakhin nayo yari igamije gucyura abayahudi basaga ibihumbi mirongo urwenda na birindwi        (97 000) babaga muri Maroc bagaca iy amazi n’ ikirere berekeza muri Isirayeli babanje guca ku nkombe Z’ ubufaransa n’ ubutariyani. Maroc nicyo gihugu mu bihugu by Abarabu cyari gicumbikiye abayahudi Kandi bari mu mudendezo n umutekano ntawubendereza. Iyi operation yakozwe n umutwe w abatasi b abayahudi bazwi nka MOSSAD hagati ya ugushyingo 1961 no mu mwaka hagati wa 1964. Aho iyi ope itandukaniye niya mbere nuko aha mu bwumvikane n Umwami wa Maroc Hassan II, igikomangoma Moulay Ali ba Maroc hamwe na David Ben-Gurion wari Mininstri w’intebe wa Isirayeli muri icyo gihe aho bumvikanye ko 500 000$ yagombaga guhita ashyirwa mu isanduku ya Leta Ya Maroc hanyuma ku bayahudi ibihumbi mirongo itanu ba mbere buri wese akishyurirwaho amadollars 100$ naho abasigaye bakaba amadollars 250$ kuri buri wese. Iyo operation yatewe inkunga n umuryango witwa Hebrew Immigrant Aid Society wabaga i New York muri Leta zunze ubumwe za Amerika aho byayitwaye Akayabo ka miriyoni mirongo itanu [50 million US dollars]. Izina ryaturutse ku izina ry imwe mu nkingi y’urusengero rwari rwarubatswe n umwami Salomo. Ahagana mu 1948~1951 nibwo abayahudi basaga 28 000 bagiye muri Isirayeli.

 

Munyemerere mpinire aha, tuzagaruka kubindi kuko ni akagaruka.

Amahoro kuri mwe.

Advertisements
Komeza usome

Amateka

UBWAMI BW’ ABAMI BWA ROMA: URUGAMBA RWA TEUTOBURG (IGICE CYA KABIRI)

Published

on

Advertisements

Muraho nshuti zacu, mu nkuru iheruka twari twabonye ubugambanyi bwa Arminius ndetse n uburangare bwa Jenerari Piblius Quinctilius Varus byari bishoye ingabo z abaromani mu kaga ko kurimbuka. Uyu munsi turakomezanya n urugamba rwa Teutoburg urugamba rwari rushyizeho iherezo ku buhangange bw ubwami bw abami ba Roma ubwami bwari bwihariye ndetse bw igihangange muri ibyo bihe byabwo…..

https://yegob.rw/ubwami-bw-abami-bwa-roma-urugamba-rwa-teutoburg-igice-cya-mbere/

….Arminius yakusanyije ingabo maze areba ahari impande zoroshye z’ abaromani aba ariho abatega ubundi ashyiraho impuruza yuko hari icyaro cyigumuye kandi ko bahagurukiye kurwanya abaromani. Nkuko natangiye mbabwira ikiburi cy’ umujenerari nicyo kimuha intsinzi ariko amaherezo bimuviramo guhananuka akarimbukana nabo ayoboye. Ibi general Varus yabibonyemo uburyo bwo kwongera ikuzo rye mu Bwami bugari bwari bubayeho mu mateka ya muntu, Abamwungirije bamusabye gutegereza gato ngo babanze babone amakuru y’ impamo nyamara arabananira ahubwo ategeka ko bose bitegura intambara. Bamusabye kohereza abatasi imbere ngo bamenye niba nta bico bihari nabyo ntiyabikora. Arminius wari wamaze kumushyira mu mutego we yamusabye ko yamureka akajya kumushakira umusaada mu bandi badage nawe amwemerera atazuyaje nuko Arminius aba abonye uburyo bwo kwisangira ingabo ze no kwiyoborera urugamba rwe bwite.

 

Hari mu gihe cy ubutita kandi icyo nabwo hari ikirere kitameze neza nuko babuze uko baca mu ishymba rya Teutoburg bahitamo gukora imirongo yareshyaga na ibirometero 15-20. Bakigera mu ishyamba bahahuriye n ibico by abadage byasagaga ibihumbi 32 barabica karahava, Legatus Numonius Vala wari wungirije Varus akanayoboraga abarwanira ku mafarashi yahisemo kwihungira ata benewabo ku rugamba ariko aza gufatwa nyuma atambirwa imana z’ abadage. Aha abasaga 20 000 b’ abaromani barahaguye abandi bafatwa mpiri baza gutambirwa imana z’ abadage aho batekaga amagufa yabo … Commander Praefectus Ceionius yamanitse amaboko ariko nyuma ariyahura. Praefectus Eggius yakomeje kurwana no kuyobora igisirikare cyari cyihebye cyashobewe agwa aho. General Piblius Quinctilius Varus abonye akaga ateje ingabo ahitamo kwiyahura agwa aho atuma ibirango bitatu bihambaye bya Kagoma bigwa mu maboko y’ abadage. Nkuko bivugwa n’ umwanditsi Tacitus w’ umuromani wabayeho muri ibyo bihe.
Legions ebyiri zayoborwaga n’ umwishywa wa Varus witwaga Lucius Nonius Asprenas wari umaze amezi menshi yarakumiriye abadage ngo batambuka uruzi rwa Rhine ngo batere ubufaransa bwitwaga Gaul icyo gihe, nyuma yaho yongerewe ingabo mu bitugu na zimwe mu ngabo zari zabashije kurokoka urugamba rwa Teutoburg bahangana bategereje umusaada waruzanywe na General Tiberius nyuma waje no kuba Umwami w’ abami wa Roma.

Umwami w’ abami Augustus acyumva iyo nkuru yarahindutse arigunga, yanga kogosha imisatsi ye irakura biteye ubwoba maze igihe cyo kwibuka ako kaga kagwiriye ubwami buhambaye agahonda umutwe we ku rukuta agira ati: “QUINTILI VARE, LEGIONES REDDE!” ugenekeranyije mu Kinyarwanda biravuga ngo :” Quinctilius Varus mpa abasirikare banjye/ mpa legions zanjye”. Mu gisirikare cya Roma ntibongeye gukoresha amazina XVII na XIX bavuga ko atera umwaku no gutsindwa, nubwo bitabujije ko asubizwaho ku ngoma ya Nero yasubijeho iya XVIII Umwami w’ abami Vespasian yayikuyeho burundu.

Ahagana muri 15 nyuma ya Yezu, umwishywa wa Tiberius witwaga Germanicus aherekejwe hagati y’ ingabo 30 000-35 000 yateye Mattium(caput gentis)arahatwika amaze afata bunyago Thasnelda umugore wa Arminius. Yakomeje guhiga ibirango bya Kagoma bya za legions eshatu arinako ahorera mu izina ry abavandimwe babo baguye mu bugambanyi bwa Teutoburg arimbura amoko y abadage kugeza aho acikiye intege coalition/ ihuriro rirananirwa. Ikirango cya Kagoma cyanyuma cyabonetse muri 41 AD na Piblius Gabinius atsinze aba Chauci ku ngoma ya Claudius umuvandimwe wa Germanicus. Ahagana muri za 50 AD ubwoko bw’ abachatti bwateye ubutaka bw’ abaromani bwari muri Germania(Germany) nuko Commander Pomponius Secundus arabatera arabanesha nuko babohoza imfungwa nyinshi z’ abaromani ndetse yewe harimo n abajyanyweho bunyago ku gihe cyaya ntambara ya Teutoburg hashize imyaka mirongo ine.

 

Ese niki wigiye kuri uyu musirikare mukuru?
Ese urumva ariki yagombaga gukora?
Sangiza ibitekerezo byawe muri “Comments”!

MUGIRE AMAHORO N’ AKAGARUKA!

Advertisements
Komeza usome

Amateka

UBWAMI BW’ ABAMI BWA ROMA: URUGAMBA RWA TEUTOBURG (IGICE CYA MBERE)

Published

on

Advertisements

Mu mateka ya muntu kuva ku bihe bye bya kera intambara yabaye kimwe mu byamuranze, imyaka ibihumbi byinshi irashize kuva aho barwanishaga ibibando ku mpande ebyiri zitumvika uwa mbere uvuye amaraso ako kanya intambara igahagarara ubwo uruhande rwe rukaba rutsinzwe kugeza kukuba warimburira miriyoni nyinshi y abantu ku iraswa ry’ igisasu kimwe cyambukiranya imigabane kizwi nka “Inter Continental Ballistic Missiles” . Kuri uyu munsi reka dutere imboni ku rugamba rwa Teutoburg, urugamba rwari rushyize akadomo ku buhangange bw’ Ubwami bw’ Abami bwa Roma.

Ubundi mu mvugo twakoresha ngo “Ikiburi, ukwihagararaho no gusuzugura abandi ba Jenerari , biha nyirabyo ubuhangange n ikuzo iyo intsinzi imubaye ku ruhande by’ igihe kirekire gusa ngo hari nubwo bimuzanira kurimbuka we n ingabo ayobora.”. Urugamba rwa Teutoburg narwo ntirujya kure yaha aho General Publius Quinctilius Varus yahanganaga na Arminius wahimbwe Hermann wo mu bwoko bw abadage.

Urugamba rwa Teutoburg ruzwi nka “Clades Variana” mu kilatini cyangwa “Varian Disaster” mu cyongereza rwabaye ahagana mu 9 AD ni ukuvuga muri Nzeri mu mwaka wa 9 nyuma y’ ivuka rya Yezu mu majyepfo y’ Ubudage bw’ ubu ahitwa OSNABRÜCK mu burasirazuba bw uruzi rwa Rhine. Habayeho urugamba hagati y ingabo z’ abaromani n amoko y’ abadage, urugamba rworetse ibihumbi byinshi by’ abaromani abandi bakagirwa imbohe n abacakara imyaka irenga 30 ku kutumva kwa General Varus.
Arminius yari umwana w’ umutware mu bwoko bw’ abadage se yari yaratsinzwe n’ abaromani mu ntambara yemera kubayoboka ndetse atangaho Arminius ho ingwate nkuko byakorwaga ahantu hose Roma yigaruriraga kugira ngo abami baho n abatware babayoboke. Se yaje kwicwa nyuma yaho kuko abandi batware b’ abadage bamushinjije ubugwari bakamucira urwo gupfa nkuko amategeko yabo yategekaga. Ibi Arminius warimo atozwa ubumenyi busanzwe n amayeri y’ intambara by’ abaromani yabitse umujinya yiyemeza kuzabiryoza abaromani agahorera se. Mu Budage hari legions 8 maze ubundi bahasiga 3 gusa kuko General Tiberius yaragiye guhosha imvuru mu bihugu bya “Balkans”. Legion yarigizwe n’ ingabo 5000 kandi icyo gihe harwanaga ingabo kuri buri ruhande nk 50 000 cyangwa 100 000, ubwo wayigereranya na Coprs mu gisirikare cyubu kirwanisha za miriyoni nyinshi z’ abasirikare kuko iba igizwe n abasirikare bari hagati y’ ibihumbi makumyabiri na mirongo ine na bitanu [20 000-45 000] turebeye mu ngabo z’ Abanyamerika zarwanye muri Vietnam, iyo Coprs ikayoborwa na Lieutenant General.

General Varus yarafite legions eshatu (XVII, XVIII na XIX) basaga ibihumbi cumi na bitanu (15 000) ukongeraho n abasirikare bavaga mu bindi bihugu babaga ari abacancuro bahembwaga guhabwa ubwenegihugu bwa Roma, bose hamwe basagaga ibihumbi makumyabiri na bitanu (25000). Mu bihe by’ ubutita hari aho ingabo zajyaga kwikinga imbeho kandi byasabaga ko banyura mu Ishyamba ryiswe Teutoburg. General Piblius Quinctilius Varus yarazwiho kuba yari umurwanyi kabuhariwe wahosheje imvuru nyinshi ariko akaba yaranazwiho kugira ubugome bwinshi cyane nko muri Yerusalemu yabambye abantu basaga 2000 mpande z’ inzira ngo babere abandi isomo ryo kutazongera gutinyuka gukora mu jisho ry’ ubwami bw’ abami bwa Roma. Arminius yari yaragizwe umujyanama mu bya gisirikare wa General Varus, yari yarahurije amoko yose y’ abadage yari yiteguye gutanga ikiguzi icyaricyo cyose ngo yihorere ku ba romani, ayo moko yari Cherusci, Marsi, Chatti, Bructeri,Chanci na Sicambri ahuza amoko atarumvikanaga ayahuriza hamwe. Mu mayeri y’ intambara yabonye ko igihe cyiza cyo guha isomo rya gisirikare abaromani kwari ubwo Tiberius yahanganaga n’ abo muri Balkans aho yari guhangana na legions eshatu gusa. Mwibuke yari umujyanama wa Varus ariko akanahuriza hamwe abanzi ba Roma ari nawe mukuru wabo.
Abandi basirikare bakuru bari barihanagirije banaburira general Quinctilius ko Arminius ari inyuma y’ ibikorwa byo kwigumura kw’ amoko y abadage kandi ko ari umugambanyi nyamara ntabumve akiyumvira ibyo Arminius yamubwiraga ko iby’ icyo gisirikare cy abadage ari udutsiko twinshi tw amoko atumvikana kandi ko babarimburira rimwe nta gutinda…

Nakagaruka mu zindi nkuru naho mu gice cya kabiri. Ufite igitekerezo cyangwa wifuza ngutanga igitekerezo kubyo tuzavugaho ubutaha…. bishyire muri comment!

AMAHORO Y IMANA ABANE NAMWE!!!!

Advertisements
Komeza usome

Hit Music Only!

Advertisement
Advertisement
Advertisement

Trending

Copyright © 2020 YEGOB

Advertisements
%d bloggers like this:
Enable Notifications.    Ok No thanks