Connect with us

Ng’uku uko nanze urukundo ( Mfite agahinda)

Featured

Ng’uku uko nanze urukundo ( Mfite agahinda)


Umuhanzi yaragize ati”bakunda n’abakundwa mushimira mute Imana,Mwatanze iki ngo bibahire rwose” burya yari yabonye ko hari abo bitajya bihira,yari yabonye ko hari abarutanga ntirubagarukire ,yari yabonye ko hari abakunda ntibakundwe maze agahinda kakabahinda umutima,nibyo koko bibaho,erega nawe wasanga byarakugendekeye nk’uko byagendekeye umukunzi wa Litha.

 
Umusomyi wa YEGOB yatwandikiye n’agahinda kenshi ariko adusaba ko yakiyita Litha kuko kwivuga bishobora kurushaho kumukururira ikibazo,Litha yagize ati”
Nd’umukobwa w’imyaka 25,narize ndetse narangije Kaminuza umwaka ushize,mfite akazi kadakanganye ariko nishimiye,Amashuli abanza n’ayisumbuye ntamukunzi nigeze kuko byari bigiye ko mpura nabo ndetse n’iwacu bari baratubwiye ko ari byiza kwirinda abasore kugeza umuntu aciye ubwenge kuko ngo agakungu kabo gakurura amabi.

Ibi narabyumvaga cyane ,bitewe n’igitsure iwacu badushyiragaho kandi koko byari bikwiye kubumvira,gusa abasore baca ku ruhande basaba urukundo ntababeshye ntibaburaga ndetse yewe n’ubwo nize mu kigo cy’abakobwa gusa iyo twajyaga muri Vacance hari ababigeragezaga ariko guhakana bikanyorohera kuko nishingikirizaga ko iwacu hagendwaga na bacyeya kandi nkagira nti igihe ntikiragera.

 

 
N’ubwo nahakanaga ntabwo bivuze ko ntari nifitemo uriundo muri njye ahubwo n’uko niyumvishaga ko igihe kitaragera kandi nkumva ko ntarangiza kaminuza nabwo bikimeze gutyo,nkigera muri Kaminuza ,nibwo bwa mbere nari nicaranye n’umusore mu ishuli dore ko nari mbiherutse muri Primaire,birumvikana ntabwo navuga ko byari bisanzwe,aha ni naho nahuriye n’umusore numva nanjye nifuje ko yamvugishaho byibura ndetse rimwe na rimwe nkuva ninjye wamuvugisha ariko isoni zikantsikamira.

Umunsi umwe yaramvugishije n’umva mbaye nkubonekewe,ibyishimo biranyuzura ntangira gucyeka ko uko niyumva nawe ariko yiyumva,ntibyatinze twaje gukundana,ndetse turakundana birakomera pe ,igihe cyarageze akaza mu rugo ntinyuka kubwira ababyeyi ko ari inshuti ya njye,ndabyibuka iryo joro mama yarabintukiye,ambwira ko kujya muri kaminuza bitavuze guhita ngira inshuti,nsinitaye ku mpungenge yaramfitiye kuko numvaga urukunda natanze rwarangarukiye.

 
Nsinarinzi ikintegereje,najyaga kumureba aho yaracumbitse,yabaga wenyine ,ninjiraga mu nzu nkicara tukaganira,tukareba filme ,tugaseka ,narangiza ngataha rwose ntananyereke ko hari no kunyifuza ,mbese nabonaga nta rari ryasumbye urukundo riri hagati yanjye nawe,ikintu gikomeye yankoze n’uko umunsi umwe yansomye nabwo ansaba imbabazi ko atazi uko byaje gusa nsinari kumurenganye kuko na njye nabonaga bikwiye.

 
Nsinicuza ko na namusomye ahubwo ndicuza imyaka 3 twamaranye aryamana n’undi mukobwa twigana ntabizi kandi ambeshya ngo arankunda,ntaragera aho, twabanye mu rukundo umwaka wa mbere urarangira ,tutangira uwakabiri,nkimara kumenyerana n’abandi bana nahise ngira inshuti,ndetse zimwe murizo zagiye zimbwira ko uwo musore atankunda kuko ngo hari umukobwa wundi twigana bajya biraranira ndetse ko hari igihe basohokana gusa nkagira ngo ni rya shyari numvishe abakobwa tugira.

Nabyimye agaciro kuko yari yaranyeretse ko ankunda koko,yampaga impano,yaransohokanaga kandi akanyibutsa gutaha kare nk’uko n’undi wese ukunda yabikora,umunsi umwe namubajije ibyo nabwiwe ,mbona aguye mu kantu ariko ahita ampamiriza ko ari ishyari bagirira urukundo rwacu,ndetse hashize igihe gito yanyeretse inshuti ze 4 azibwira ko arinjye akunda,mbese numva ngize umutekano w’umutima kurushaho kuko nabonaga ashimangiye urukundo dufitanye ,doreko yaranyereste ko ntapfunwe muteye.

Umunsi umwe ari kuwa gatanu namusabye kujya kumureba kuko hari hashize amezi abiri tutabonana kuko yari yaragiye gusura famille ye mu cyaro,aranyemerera ariko ambwira ko nazaza bucyeye bwaho cyane ko yambwiraga ko abona bwije ,nabimubwiye ndi mu nzira njya kumureba ,nanjye nikirije ko nzaza bucyeye bwaho ariko nashakaga ku mutungura,nibyo koko narimukumbuye kandi numvaga nshaka kurara mubonye,n’ukuri naramukundaga.
Narahageze ntungurwa no kubona nkomanze nkingurirwa n’undi mukobwa kandi nawe ubyutse akenyeye isume,nakubwiswe n’inkuba,numvishe ububabare ntigeze ngira kuva nkiri muto,natunguwe no kubona nawe abyutse aza aje kumpoza kuko naborogaga,agahinda gakomeye kenda kunturitsa umutima ,kankuye aho,ntega ndira .ndataha ndyama ntavuze.
Kuri njye byari bigoye gusobanura ndetse no kuvuga icyambayeho ariko nyuma y’iminsi ibiri Mama yanyumvishije ko gukira imvune y’umutima ari ukuvuga ibiwurimo maze mubwira uko byagenze,kuri we yambwiye ko yari yaramburiye ariko ntiyarazi agahinda nifitemo,iyo nibukaga ko bose twigana,ko ninjya ku ishuli nzongera kubabona numvaga mbuze aho nkwirwa nkaho arinjye wakoze ibara.
Namaze igihe nanga kwitaba telefone ye ,yanyegera ku ishuli ngahunga,nyuma nanze kumwitaba incuro nyinshi ndetse no ku ishuli iyo yanyegeraga narahungaga, niyumvishemo ko wenda nanjye yari yarabuze aho ampera gusa naza gutungurwa no kumva ambwiye ko acyinkunda,n’ukuri nanjye nsinamwanze ariko urwo namukunze narwanze ndetse numva ntanakongera kumuvugisha kuko yanyiyorobetseho,yampisha ukuri antuza mu mutima uryarya,anyereka ko ankunda kandi ko atandarikira igihe kitaragera nyamara akajya mu bandi.

Ndabizi navuze byinshi bitari ingenzi ariko ntakundi agahinda yanteye kashira usibye kuvuga ibyambayeho,muri njye biragoye ko nakongera kugira umusore numva nkunze ,yewe nubwo buri gihe ampamagara ambwira ko acyinkunda mukupa atararangiza kuvuga kuko numva amagambo ye ari ibinyoma no kwishushanya,nyuma ye haje abandi batatu ,ariko bose nababwiye ko ntanumwe wo kwizerwa urimo,nibyo koko ntamusore numwe umutima wanjye ukizera, kandi nsinzi icyo nakora ngo birangire kuko ntawe niteguye kugururira,mbigire nte koko?

Continue Reading
Advertisement
You may also like...
1 Comment

1 Comment

  1. Habimana Patrick

    May 3, 2016 at 6:38 am

    Bimaze igihe kingana iki bibaye? Nanjye uyu siwo mwanya wo kuvuga ibyanjye, ariko nanjye nabaye ntuje gusa nizeye ko igihe nikigera nzabona uwo Imana yangeneye gusa gusenga ugasaba nibyo bizadushoboza. Shaka abantu wizeye ujye ubagisha inama ariko uzitondere kugururira uwo ubonye wese cyane ko urukundo rw’ubu kuri benshi rushingiye kuri sex, ubutunzi,… Ariko simvuze ko hatari abafite urwanyarwo. Ujya ugerageza kumva urunana…. Mubatanga inama nanjye uwo musanzu ndawukwemereye niba wumva ari ngombwa, sinshaka kubigusubizamo ahubwo kugutegurira uko wazabisubiramo umeze. Ibirenze ibi wazanyandikira kuri email yanjye habapatric2@gmail.com

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Meddy ft Nish – Downtown

By July 17, 2019

indirimbo

Izina Ryanjye by Christopher

By July 17, 2019

indirimbo

Ni Forever by Kamichi

By July 5, 2019

indirimbo

Abana babi by Danny Vumbi

By July 5, 2019

Facebook

To Top