Connect with us

Ubuzima

Ngibi ibyiza byo gukora imibonano mpuzabitsina buri munsi ku bashakanye

Published

on

Advertisements

Burya imibonano mpuzabitsina ni kimwe mu bikorwa by’ibanze mu gusigasira, gushimangira urukundo no kubaka urugo rudahungabana hagati y’abashakanye, ikindi kandi imibonano mpuzabitsina ya buri munsi ikagira ibyiza izanira abayikora.

Uretse kuba imibonano mpuzabitsina ku bashakanye ari igikorwa gituma barushaho gusabana no kwegerana biruseho, burya ngo imibonano mpuzabitsina hari indwara zimwe na zimwe irinda umuntu igihe ayikora buri munsi nk’uko byemezwa n’abahanga n’abashakashatsi batandukanye mu bijyanye n’ubumenyi bw’imikorere n’imiterere y’umubiri wa muntu.

Twifashishije ubushakashatsi butandukanye bwagiye bukorwa mu bihe bitandukanye, twakusanyije zimwe mu mpamvu z’ingenzi zigaragaza ko imibonano mpuzabitsina ari ingenzi cyane mu buzima bwa muntu, by’akarusho iyo ikozwe buri munsi Ku bashakanye.

1. K’umugabo ibyago byo kurwara kanseri ya prostate biragabanuka.

Ubushakashatsi bwakozwe n’ishuri ry’ubuzima muri kaminuza ya Havard bwagaragaje ko abagabo basohora (Ejaculation) inshuro nyinshi bagabanya ibyago byo kuba barwara kanseri ifata ubugabo (prostate cancer) ku kigero cya 22%.

2.Birinda umuntu kurwara ibicurane n’inkorora.

Nk’uko bigaragara mu bushakashatsi bwakorewe muri Kaminuza ya Wilkes muri Pennsylavania, umuntu ukora imibonano mpuzabitsina byibura inshuro ebyiri mu cyumweru arushaho kurekura abasirikare benshi bahangana n’indwara z’ibicurane n’inkorora.Niba inshuro ebyiri mu cyumweru zigabanya ibyago byo kurwara ibicurane, bivuze ko uyikora buri munsi we izi ndwara zigeraho zikaba amateka.

3. Umuntu ahorana itoto.

Burya ngo umuntu ukora imibonano mpuzabitsinda buri munsi umubiri we uhorana itoto nk’uko byemezwa n’umushakashatsi akaba n’umuganga w’indwara zifata ubwonko wo muri Scotland, David Weeks.Uyu mushakashatsi Weeks yemeje ibi nyuma yo kwiha akazi ko kugerageza gukeka imyaka y’abagore n’abagabo 3500 baturuka ku mugabane wa Amerika n’u Burayi, nyuma akaza gusanga abo yagiye aha imyaka mike cyane kuyo bafite ari abemeza ko bakora imibonano mpuzabitsina byibura ishuro eshatu mu cyumweru.

4. Ku bagore ububabare mu gihe cy’imihango buragabanuka.

Ubushakashatsi bwakozwe mu mwaka wa 2000 bwagaragaje ko 9 ku 100 by’abagore 1900 bikinishaga mu gihe bari mu mihango, kugira ngo bagabanye ububabare. Kwikinisha cyo kimwe n’imibonano mpuzabitsina bituma umugore agira ibyishimo (orgasm), maze umubiri we ukarekura imisemburo ya Oxytocin na dopamine bigira uruhare mu kugabanya ububabare buterwa n’imihango.

5. Amahirwe yo gusama ariyongera.

Ubushakashatsi bushya ku bijyanye n’ubugumba n’uburumbuke bwagaragaje ko gukora imibonano mpuzabitsina buri munsi bitegura umubiri ku buryo umugore ashobora gusama byihuse, bivuze ko amahirwe yo gusama yiyongera.

6. Bigabanya umuvuduko w’amaraso no guhangayika.

Ubushakashatsi bwakozwe mu mwaka wa 2005, bwagaragaje ko abantu bakora imibonano mpuzabitsina bagira ubushobozi bwo kurinda ubwonko bwabo kunanirwa no guhangayika, kugabanya umuvuduko w’amaraso, ugereranyije n’abandi badakunze gukora imibonano.

Advertisements
Advertisements
Continue Reading
Advertisement [speaker]
Comments

Copyright © 2020 YEGOB

Advertisements
%d bloggers like this: